Dotatsiya (дотация/grant) – yuqori byudjet bo‘g‘inidan quyi byudjet bo‘g‘iniga yoki byudjetdan yuridik va jismoiny shaxslarga qaytarib bermaslik sharti bilan berilishi mumkin bo‘lgan pul mablag‘lari. Jamoat birlashmalari (общественные союзы/public unions) – ma’naviy yoki o‘zga nomoddiy ehtiyojlarni qanoatlantirish uchun o‘z manfaatlarining mushtarakligi asosida qonunda belgilangan tartibda
birlashgan fuqarolarning ixtiyoriy birlashmalari.
Jamoat fondlari (Публичные фонд\fonds ) – fuqarolar va (yoki) yuridik shaxslar tomonidan ixtiyoriy mulkiy badallar qo‘shish asosida tashkil etilgan, hayriya, ijtimoiy, madaniy, ma’rifiy yoki boshqa ijtimoiy foydali maqsadlarni ko‘zlaydigan, a’zoligi bo‘lmagan nodavlat notijorat tashkiloti.
Zayom (заём/debts) – davlat byudjetiga yuridik va jismoniy shaxslarning vaqtincha bo‘sh turgan pul mablag‘larini jalb etish yo‘li bilan byudjet taqchilligi o‘rnini to‘ldirish, ulkan iqtisodiy va ilmiy-texnikaviy dasturlarni moliyaviy mablag‘ bilan ta’minlash maqsadida davlat tomonidan chiqariladigan qimmatbaho qog‘ozlar.
Zahira (резерв/Reserve) – muayyan maqsadlar uchun, ayrim hollarda esa kutilmagan hollarning oldini olish uchun saqlab qo‘yilgan moddiy, moliyaviy va boshqa resurslar.
Ijtimoiy soha va aholini ijtimoiy qo‘llab-quvvatlash xarajatlari
maorif, sog‘liqni saqlash, madaniyat va sport, fan, ijtimoiy ta’minot, aholi uchun ijtimoiy ahamiyat kasb etgan xizmatlar baholaridagi farqlarni byudjet dan qoplash va oilalarga ijtimoiy nafaqalar.
Iqtisodiy siyosat (экономическая политика/Economic policy)
davlat tomonidan mamlakat oldida turgan yaqin va uzoq kelajakdagi vazifalarga muvofiq ravishda amalga oshirilayotgan hamda amalga oshrilishi mo‘ljallanayotgan iqtisodiy, siyosiy va boshqa tadbirlar yig‘indisi.
Investitsiya krediti (инвестиционный кредит/investment credit) – investitsiya maqsadlariga yo‘naltirilgan turli xildagi bank kreditlari.
Do'stlaringiz bilan baham: |
