Мавзу. Молиявий менежментни ташкил этиш

«Ўздонмаҳсулот» АК таркибидаги «Жума элеватори» АЖ ташкилий структураси
https://jumaelevatori.uz/asosij/tashkilij-tuzilmasi/tashkilij-tuzilmasi/
Иқтисодиёт ва молия бўйича директор ўринбосарининг лавозим мажбуриятларига корхонанинг молиявий сиёсатини белгиловчи ва иқтисод мақсадларини амалга оширувчи вазифаларни ҳал қилишга доир қуйидаги масалалар киради:

• Хизматни бошқариш режаси (схемаси)ни танлаш, уни такомиллаштириш йўллари ва усуллари;
• Иқтисодий хизмат ишини самарали ташкил этиш, ходимларни танлаш ва ўрнига қўйиш, хизматнинг таркибий бўлмларини бошқариш;
• Манфаатдор шахсларга корхонанинг молиявий-иқтисодий кўрсаткичларини тақдим этиш;
• Банк тизими ва бизнес бўйича ҳамкорлар билан ишлаш;
• Мулкдорлар билан муносабатларни шакллантириш ва ривожлантириш.

Молия бўлими директорнинг иқтисодиёт ва молия бўйича ўринбосарига бевосита буйсунади. Бўлимнинг ваколатларига қуйидагилар киради:

• Ишлаб чиқаришнинг молиялаштириш манбаларини излаш;
• Корхона капитали тузилишини бошқариш;
• Айланма маблағларнинг мавжудлиги ва етарлилигини аниқлаш;
• Даромадларнинг тушишини кузатиш;
• Дебитор ва кредитор қарздорликни бошқариш;
• Молиявий режалаштириш ва башоратлаш (прогнозлаштириш);
• Қисқа муддатли кредитлар ва молиявий қўйилмаларни жалб қилиш ва бошқариш;
• Корхона бюджетини ишлаб чиқишда иштирок қилиш;
• Молиявий таҳлилни амалга ошириш;
• Инвестицион лойиҳаларнинг иқтисодий самарадорлигини баҳолаш.

Иқтисодий хизмат бош иқтисодчи раҳбарлигибош иқтисодчи раҳбарлигидаги иқтисодий бўлим молиявий қарорларни асослаш учун норматив базани шакллантиради. Ушбу бўлимнинг фаолияти қуйидаги масалаларни ҳал қилиш билан боғланган:

• Ишлаб чиқариш фаолияти ва у билан боғлиқ харажатларни режалаштириш;
• Харажатларни камайтириш йўллари ва усулларини ишлаб чиқиш;
• Операцион таҳлил ўтказиш;
• Маҳсулотларга баҳо бўйича қарорларни тайёрлаш;
• Бизнес-режа ишлаб чиқиш;
• Ишлаб чиқариш операцияларига баҳо (расценка)ни асослаш;
• Меҳнат ҳақи харажатлари ҳисоби ва таҳлили;
• Ишлаб чиқариш-хўжалик фаолияти бўйича ҳисоботларни юритиш;
• Молиявий фаолиятнинг ҳақиқий натижаларини кузатиш.

Турли хил ташкилий-ҳуқуқий шаклдаги тижорат ташкилотларида молиявий менежментни ташкил қилишнинг умумий ва фарқ қилувчи хусусиятлари мавжуд.
Тижорат ташкилотларида молиявий менежментни ташкил қилишнинг умумий тамойилларига қуйидагиларни киритиш мумкин:

• Ўзини-ўзи таъминлаш ва ўзини ўзи молиялаштириш;
• Иқтисодий ва юридик фаолият мустақиллиги;
• Фаолият натижаларидан манфаатдорлик;
• Моддий жавобгарлик;
• Алоҳида фаолият турларини давлат томонидан тартибга солиниши;
• Молия-хўжалик фаолияти устидан назоратни амалга ошириш.