Mavzu: O’qituvchining kommunikativ qobiliyatini rivojlanishiga qo’yiladigan talablar reja

MAVZU: O’QITUVCHINING KOMMUNIKATIV QOBILIYATINI RIVOJLANISHIGA QO’YILADIGAN TALABLAR


REJA:


I KIRISH
II ASOSIY QISM

1. 
   Kommunikativ qobiliyat haqida tushuncha
   
2. 
   O’qituvchining pedagogik muloqoti
   
3. 
   Kommunikativ ta’sir ko’rsatish metodlari
   

III Xulosa
IV Foydalanilgan adabiyotlar ro’yxati

Kirish
O‘zbekiston Respublikasi Vazirlar Mahkamasi hamda Prezidentimiz Sh.M.Mirziyoyev tomonidan qabul qilinayotgan har bir qarorda barkamol avlod tarbiyasi va ularning kasbiy mahoratini avvalo ta’lim muassasalarida oshirib borishga jiddiy e’tibor qaratilmoqda. Shuningdek, respublikamiz dunyo hamjamiyati tomonidan tan olinayotgan ekan, uning kelgusidagi rivoji, gullab-yashnashi bugungi kun yoshlariga bog‘liqdir. Demak, bugungi yoshlar har tomonlama rivojlangan, o‘ziga, boshqa insonga, jamiyatga, tabiatga va mehnatga o‘z to‘g‘ri munosabatini bildira oladigan, mustaqil faoliyat ko‘rsata oladigan, ijodkor, tashabbuskor va tadbirkor bo‘lmog‘i lozim. Tinglovchida ana shu xususiyatlarning rivojlanishi so‘zsiz o‘qituvchiga, uning o‘quv-tarbiya jarayonini to‘g‘ri boshqara olishiga va tinglovchilar bilan o‘rnata oladigan muomala va munosabatlariga bog‘liq.
Hozirgi zamon o‘qituvchisi pedagogik mahorat tizimida kommunikativ qobiliyatning roli beqiyos hisoblanadi. Kommunikativ qobilyat haqida gap ketganda muloqot tushunchasini anglab olishimiz darkor.
Muloqot- axborot jarayoni bo‘lib, axborot ikki yo‘nalishda boshqarish sub’ektidan (pedagog) boshqarish ob’ektiga (o‘quvchiga) boradi va aksincha ob’ektdan sub’ektga boradi. Pedagog bevosita shaxslararo muloqotdan o‘z tarbiyalanuvchilari, umuman jamoa haqida, undagi ichki jarayonlar haqida ko‘pgina xilma-xil axborotlarga ega bo‘ladi. O‘z navbatida pedagog muloqot jarayonida o‘z o‘quvchilariga ham masadga qaratilgan axborotni ma’lum qiladi.
Kommunikativ qobiliyat - bu pedagogik o‘zaro harakat sohasida maxsus ko‘rinishga ega bo‘lgan muloqotga qobiliyatlilikdir.

1.