Mavzu: Qon aylanish sistemasi kasaliklari reja

MAVZU: Qon aylanish sistemasi kasaliklari
REJA:

1. 
   Yurak-tomir kasalliklari
   
2. 
   Yurak ritmi va o’tkazuvchanligi buzilishi
   
3. 
   Tug’ma va orttirilgan yurak poroklari
   

Yurak-tomir kasalliklari (YTK) — yurak va qon tomir patologiyalarining umumiy nomlanishi. Hozirgi kunda bu kasalliklar guruhi dunyoda, jumladan, O’zbekistonda ham o’lim va nogironlikning yetakchi sababchisi bo’lib kelmoqda.
Epidemiologiya
Magistral arteriyalarning (koronar, bosh miya) aterosklerotik shikastlanishidan kelib chiqqan yurak-qon tomir kasalliklari butun dunyoda aholi o’limning asosiy sababchisi sanaladi.
JSST ma’lumotlariga ko’ra, 2016-yilda dunyo bo’ylab YTK tufayli 17,9 million kishi vafot etgan, bu barcha o’limlarning 31 foizini tashkil etadi. Ularning 85 foizi miokard infarkti va insult hissasiga to’g’ri kelgan. O’lim holatlarining 75% dan ortig’i erkaklar va ayollar orasida deyarli teng darajada past va o’rta daromadli mamlakatlarda qayd qilingan.
O’zstat ko’rsatkichlari
O’zbekiston Davlat statistika qo’mitasi bergan ma’lumotlarga ko’ra, 2019-yil birinchi choragida o’lim holatlarining deyarli 64% aynan YTK hissasiga to’g’ri kelgan. Xususan:

Patologiya turi	O’lim ko’rsatkichi, %
Yurak-tomir kasalliklari	63.8
O’simtalar	9.0
Hazm qilish tizimi kasalliklari	5.2
Nafas olish tizimi kasalliklari	5.1
Baxtsiz hodisalar tufayl	4.3
Infektsion va parazitar kasalliklar	1.4
Boshqa kasalliklar	11.2