Mavzu: Quritish va namlikni yo`qotish. Mavzu: Quritish va namlikni yo`qotish. Reja: 1. Quritish jarayonining nazariy asoslari. 2. Quritish jarayoni bosqichlari. 3. Quritgichlarning tavsiflanishi va turlari. 4. Donador va sochiluvchan ashyolarni quritish uskunasi. Quritish jarayonining nazariy asoslari. Quritish jarayonining nazariy asoslari. Material tarkibidagi namlikni yo`qotishdan turli maqsadlar ko`zlanadi. Masalan, tuproq, gipstoshi, ko`mir kabilar materiallarni maydalashdan avval quritish jarayonidan o`tkaziladi.chunki materialni quritish yo`li bilan ularni maydalash uchun sarflanadigan elektroenergiya sarfini kamaytiradi va materiallarni tashish vaqtida maxsus qurilma va jihozlarga yopishib qolishini oldi olinadi. Bog`lovchi materiallar ishlab chiqarishda quritish bu umumiy jarayonning boshlang`ich bosqichi bo`lsa, ba`zi materiallar uchun yakuniy jarayon hisoblanadi. Quritish jarayonining tezligi jadal sur`atda yoki o`ta sekin bo`lmasligi kerak. Birinchi xolda mahsulotlar tarkibidagi namlikni tez yo`qotishda mahsulot yuzasida yoriqlar paydo bo`lishiga va nuqsonlar hosil bo`lishiga olib keladi. Ikkinchi holda quritish jarayonining o`ta sekin borishi quritish sexining ishlab chiqarish unumdorligini kamayishiga va mahsulot tannarxini oshib ketishiga olib keladi. Quritish jarayoni bosqichlari. Quritish jarayoni bosqichlari. Quritish rejimi va usullari. Vaqt birligida harorat, quritish agentining nisbiy namligi hamda material atrofida uning o`tish tezligi kabilarning yig`indisi tushuniladi. Quritish rejimini har bir materialning turiga, shakliga, qalinligiga va boshqa ko`rsatkichlari asosida puxta ishlab chiqish kerak, chunki bu ko`rsatkichlar ishlab chiqarishning iqtisodiga bog`liq bo`ladi. Jarayonning moddiy va issiqlik balansi, namlikning bug`lanishi, namlikning material bilan bog`liqligi, issiqlik almashinish sharoitlari bularning hammasi jamlanib quritish nazariyasi hisoblanadi.
Do'stlaringiz bilan baham: |
