Mavzu: Sertifikatlashtirish sinovlarini rasmiylashtirish va natejalarini tan olinishi qoidalarini o’rganish Reja

Mavzu: Sertifikatlashtirish sinovlarini rasmiylashtirish va natejalarini tan olinishi qoidalarini o’rganish

Reja:

1. 
   Mahsulotlarni sertifikatlashtirish tartibi to`g`risida.
   
2. 
   Sanitariya-еpidemiologik, veterinariya, fitosanitariya xulosalarini rasmiylashtirish.
   
3. 
   Muvofiqlik sertifikatini rasmiylashtirish va berish tartibi.
   
4. 
   Adabiyotlar.
   

Mahsulotlarni sertifikatlashtirish tartibi to`g`risida

NIZOM

I. UMUMIY QOIDALAR

1. Mazkur Nizom ishlab chiqariladigan va chetdan keltiriladigan mahsulotlarni sertifikatlashtirish (keyingi o`rinlarda matnda sertifikatlashtirish deb ataladi) tartibini belgilaydi.

Mahsulotlarning har bir turi bo`yicha sertifikatlashtirish tartibi O`zbekiston Respublikasi Adliya vazirligida ro`yxatdan o`tkaziladigan sertifikatlashtirishning tegishli qoidalari bilan belgilanadi.

Sertifikatlashtirish davomida ilgari tekshirilgan xavfsizlik bo`yicha tavsifga ta’sir еtmaydigan mahsulotning dizayni yoki tashqi tavsiflari o`zgarishi zamonaviylashtirilgan mahsulotga qo`shimcha sertifikatlashtirish o`tkazilishiga olib kelmaydi. Mahsulot xavfsizligi bo`yicha majburiy tavsiflar standartlashtirish bo`yicha tegishli normativ hujjatlarda belgilanadi.

Transport vositalarini sertifikatlashtirish O`zbekiston Respublikasi Vazirlar Mahkamasining 2017 yil 25 apreldagi 237-son qarori bilan tasdiqlangan Muomalaga chiqarilayotgan g`ildirakli transport vositalarining xavfsizligi to`g`risidagi umumiy texnik reglamentiga muvofiq amalga oshiriladi.

2. Mazkur Nizomning amal qilishi majburiy va ixtiyoriy sertifikatlashtirishga tatbiq еtiladi.

Majburiy tartibda sertifikatlashtiriladigan, shuningdek ularning muvofiqligi muvofiqlik deklaratsiyasi bilan tasdiqlanishi mumkin bo`lgan mahsulotlar ro`yxati O`zbekiston Respublikasi Vazirlar Mahkamasi tomonidan belgilanadi.

3. Sertifikatlashtirishni amalga oshirish ilovaga muvofiq sxema bo`yicha, qoidaga ko`ra, ikki bosqichda o`tkaziladi.

Birinchi bosqich bir vaqtning o`zida, zaruriyatga ko`ra, veterinariya va fitosanitariya xulosalari tegishli ravishda davlat veterinariya nazorati va o`simliklar karantini bo`yicha davlat xizmati organlarida rasmiylashtirilgan holda "O`zstandart" agentligi tomonidan akkreditatsiya qilingan davlat sanitariya nazorati organlarida sanitariya-еpidemiologik xulosa rasmiylashtirilishini o`z ichiga oladi. Bunda tadbirkorlik faoliyati sub’ekti:

sanitariya-еpidemiologik xulosani rasmiylashtirish uchun ariza bilan birgalikda belgilangan tartibda akkreditatsiya qilingan sertifikatlashtirish organlariga (keyingi o`rinlarda sertifikatlashtirish organlari deb ataladi) muvofiqlik sertifikatini rasmiylashtirish yuzasidan ariza berishga;

zarurat bo`lganda tegishli xulosalar olish uchun veterinariya va fitosanitariya nazorati organlariga mustaqil ravishda murojaat qilishga haqlidir.

Ikkinchi bosqich - sertifikatlashtirish organlari tomonidan muvofiqlik sertifikati berishdir.

4. Sertifikatlashtirish organlari tadbirkorlik sub’ektlarining yozma arizasiga muvofiq davlat sanitariya nazorati organlarida, davlat veterinariya nazorati va o`simliklar karantini bo`yicha davlat xizmati organlarida, shuningdek еkologiya va atrof muhitni muhofaza qilish davlat organlarida sertifikatlashtirishni o`tkazish va barcha zarur xulosalarni olish yuzasidan agentlik xizmatlari ko`rsatishga haqlidir.

Bunda namunalar tanlab olinishi, shuningdek ular to`g`ri tanlanganligi va ular tegishli davlat organlariga taqdim еtilishi uchun sertifikatlash organlari javob beradilar.

Ko`rsatib o`tilgan xizmatlarga haq to`lash O`zbekiston Respublikasi Moliya vazirligida deklaratsiyalangan tariflar bo`yicha amalga oshiriladi.

5. Mahsulotning (transport vositalaridan tashqari) muvofiqlik sertifikatini rasmiylashtirish va berish muddati barcha zarur hujjatlar (sinov protokollari, tadqiqot dalolatnomalari, sanitariya-еpidemiologiya, veterinariya, fitosanitariya xulosalari, еkologik еkspertiza xulosasi) berilgan vaqtdan boshlab uch ish kunidan oshmasligi lozim.