Milliy psixologik xususiyatlarning yoshlar ongiga singdirishni o‘ziga xos jihatlarini tadqiq
etar ekanmiz, aniqlangan va olingan tajriba natijalariga asosan ta’kidlash joizki, milliy birlikni
31
muhofaza etish jarayonlari zaiflashgan davlat homiyligida emas, balki asosan aholi turli
tabaqalariga mansub oddiy insonlar, ziyolilar, hunarmandlar, dehqonlar, umuman olganda
jamiyat kuchi vositasida amalga oshirilib kelindi va quyidagilarda o‘z ifodasini topdi;
Bizning fikrimizcha, bolalar o‘zlarining u yoki bu etnik birlikka mansubliklarini, avvalo,
ota-onalarining qaysi etnik birlikka mansubliklarini anglash orqali bilib oladilar.
Ota-onalari turli millatga mansub bo‘lgan bolalar ota-onalaridan birining millatini qabul
qiladi. Bu esa oila yashayotgan mamlakatdagi siyosiy, ijtimoiy-iqtisodiy, xuquqiy, madaniy-
maishiy kabi bir qancha vaziyatlarga bog‘liq bo‘ladi. Ko‘pincha bunda etnik vaziyatlar, ota-ona
mansub bo‘lgan etnoslarning son nisbati ham muhim rol o‘ynaydi.
Milliy mansublikni anglash, insonning butun umri davomida saqlanib, boshqa yurtlarda
yashayotganda ham unutilmaydi. Aksincha, o‘z etnik guruxini, yurtini sog‘inish, qumsash
sifatida namoyon bo‘ladi. Shahsning hulq-atvorlariga va boshqa ruxiy xususiyatlariga ta’sir etib
turadi.
