Мавзу: статистика фанининг предмети ва усули

Фан бўйича режалаштирилган маърузалар мавзуси ва улар
учун ажратилган вақт

Т/р	Мавзуларнинг номи	Жами ўқув соати	Шу жумладан
			Маъруза	Амалий машгулот
1	Статистика фанининг предмети ва услуби	4	2	2
2	Статистика кузатиш моҳияти,	4	2	2
3	Статистика кузатуви материалларига ишлов бериш	8	4	4
4	Статистика кўрсаткич-лари	6	4	2
5	Ўртача миқдорлар	8	4	4
6	Вариация кўрсат-кичлари	4	2	2
7	Статистикада танлаб кузатиш	8	4	4
8	Ўзаро боғланишларни статистикада ўрганиш	4	2	2
9	Ижтимои-иқтисодий ҳодисалар динами-касини статистикада ўрганиш	10	4	6
10	Иқтисодий индекслар	12	6	6
11	Таркибий тузилишни статистикада ўрганиш	4	2	2
	Жами:	72	36	36

СЎЗ БОШИ

Ўзбекистон иқтисодиётини янада эркинлаштириш, хусусий мулкнинг ўрни ва таъсирини кенгайтириш, ишбилармонлик ва тадбиркорлик соҳалари учун барча зарур имконияларни яратиш ва рағбатлантиришни ҳозирги даврни ўзи тақазо этмоқда.
Бозор иқтисодиёти ўқув юртлари фаолиятига жиддий таъсир қилмокда, яъни у ўқув юртлари билан мутахассислардан фойдаланувчилар ўртасидаги янги иқтисодий муносабатларни тушуниб етиш ҳамда уларни жорий этишни тақазо этади. Мутахассисларнинг тайёргарлигига, ишчанлигига тадбиркорлигига бўлган талаблар кескин ортмоқда.
Юқори малакали мутахассисларни тайёрлашни кенгайтириш билан бир вақтда олий таълим тизимини тубдан ислоҳ қилиш бугунги куннинг муҳим вазифаларидан бири бўлиб қолмоқда. Бу эса, биринчи навбатда, олий таълим йўналишлари бўйича давлат талабларида кўзланган фанларнинг мазмуни ва ўқув дастурларини халқаро андозаларни мослаштириб такомиллаштиришни талаб қилади.
Барча соҳалардаги ўзгаришларни, улар ўртасидаги боғланиш ва алоқадорликни ўрганишда статистика фанининг усулларидан фойдаланиш жуда ҳам катта аҳамиятга эгадир.
Ушбу маърузалар матнлари “Статистика” фанидан иқтисодчи бухгалтерларнинг иқтисодий билимларини мустаҳкамлаш учун мўлжалланган бўлиб, ўқув режасига мувофиқ равишда ёзилган.
«Статистика» курсининг мазмунига статистика соҳасидаги ҳам назарий, ҳам амалий масалалар киритилган бўлиб, улар қандай натижалар беришига иқтисодий ва ижтимоий жиҳатдан баҳо бериш нуқтаи назаридан қараб чиқилади. Ҳар қандай назария тушунтирувчи ва прогноз қилувчи кучга эга. Бироқ амалиёт назарий контекстсиз мустақил аҳамиятга эга бўлмайди. Шунинг учун ҳам курс масалаларини ўрганиш талабаларга шахсий билимларидан янада чуқурроқ фойдаланиш имконини беради.