Mavzu: Tuman markaziy shifoxonasi Reja

Tuman markaziy shifoxonasining asosiy vazifalari
1. Tuman va tuman markazi aholisiga diagnostika yordam va kasalxonada
malakali hamda ixtisoslashgan tibbiy yordamni tashkil qilish;
2. Tuman aholisiga tez yordam, shoshilinch tez tibbiy yordamni sifatli tashkil
etish va ko`rsatish;
3. Tuman hududida joylashgan barcha davolash-profilaktik muassasalarini
operativ va tashkiliy metodik tomondan boshqarish, shu bilan birga ularning
ish faoliyatini nazorat qilish;
4. Ishchilarning vaqtinchalik hamda doimiy mehnat qobiliyatini
yoʼqotganlik darajasini o`rganish va tahlil qilish;
5. Aholi ichida tarqalgan kasalliklarni va ularning sabablarini
ambulatoriya, poliklinika va statsionar xizmatini hajmi, sifati va
samaradorligini, tibbiy ko`riklar va aholining dispanserizatsiya holatini
o`rganish va tahlil etish;
6. Aholi salomatligini, tuman sog`liqni saqlash muassasalarining faoliyat
ko`rsatkichlarini o`rganish va tahlil etish orqali, tibbiy yordamni
rivojlantirish, kasallanish va o`lim ko`rsatkichlarini, shu jumladan, bolalar
va onalar o`limini kamaytirish, aholiga ko`rsatilayotgan tibbiy yordamning sifati
va samaradorligini oshirish bo`yicha tadbirlar ishlab chiqish;
7. Tumandagi barcha davolash - profilaktika muassasalari faoliyatiga ilm fan
va texnika yutuqlariga asoslangan holda zamonaviy diagnostik, davolash,
profilaktik texnologiyalarni joriy etish;
8. Aholiga tibbiy yordam ko`rsatish va bemorlarni parvarishlashning yanada
takomillashtirilgan yangi usullarini tadbiq etish;
9. Statsionargacha bo`lgan diagnostik jarayonni har tomonlama yahshilash,
statsionar sharoitida o`z vaqtida kompleks davolashishlarini olib borish va
ularning samaradorligini oshirish, o`rinlardan unumli foydalanish;
10. Tuman tibbiyot muassasalari, ambulatoriya, poliklinika, statsionar
sharoitida ko`rsatilayotgan tibbiy yordamning sifati va to`laqonliligini
baholash uchun diagnostik, davolash - reabilitatsiya qilish, klinik,
paraklinik tadbirlarning sifat - ko`rsatkichlarining standartlarini ishlab chiqish;
11.Davolangan bemorlar sonidan kelib chiqqan holda shifoxona faoliyati ko`lamini belgilash, tuman davolash profilaktika muassasalarining moddiy texnik bazasini kengaytirish va moliyaviy mablag` bilan ta`minlashning loyihalarini ishlab chiqish;
12. Tibbiyot xodimlarini tarbiyalash, malakasini oshirish, ulardan oqilona
foydalanish bo`yicha tadbirlar ishlab chiqish.
TMSHning eng asosiy bo`limlaridan biri tashkiliy-uslubiy bo`lim
hisoblanadi. Tuman markaziy shifoxonasi faoliyatini shifoxona bosh vrachi
boshqaradi, u bir vaqtning o`zida tuman tibbiyot birlashmasining boshlig`i
hisoblanadi. Sanitariya – epidemiologiya xizmatini tuman bosh davlat sanitariya
vrachi boshqaradi, u bir vaqtning o`zida DSENM bosh vrachi hisoblanadi.
Tuman markaziy shifoxonasi – tuman tibbiyot birlashmasining muovinlari
bo`ladi: ambulatoriya – poliklinika xizmati bo`yicha, tuman markaziy shifoxonasi
davolash – profilaktika ishlari bo`yicha, tashkiliy – uslubiy xizmat bo`yicha.
Tuman tibbiyot birlashmasiga qarashli tibbiyot muassasalalariga konsul`tativ,
tashkiliy, uslubiy xizmat ko`rsatish uchun tuman bosh mutaxasislari tayinlanadi.
Ular o`zi xizmat ko`rsatayotgan mutaxasislik doirasida tuman tibbiyot
muassasalalari faoliyati ustidan tashkiliy – uslubiy rahbarlik qiladi. Ular odatda
eng tajribali vrachlar bo`lib, tuman markaziy shifoxonasining bo`limlari mudirlari
hisoblanadi. Ularning har biri o`z mutaxasisligi bo`yicha davolash ishlarini
boshqaradi, joylarga borib konsul`tatsiya, tekshirish va davolash ishlarini bajaradi,
o`z sohasining ish rejasini tuzadi, statistik hisobotlarni yuritadi, ilmiy seminarlar,
konferentsiyalar tashkil etadi, malakasini oshiradi.