Magistrlik dissertatsiyasining maqsadi. Ta’limda variativ uslublarni, horij tajribasi asosida ishchi dasturlarni ishlab chiqish va joriy etishni nazariy jihatdan asoslash hamda ilmiy-metodik tavsiyalar ishlab chiqish.
Magistrlik dissertatsiyasining vazifalari:
1. Mavzuga oid ilmiy-nazariy, falsafiy, pedagogik adabiyotlarni o‘rganish va tahlil qilish.
2. Variativ ta'limni ta’limni rivojlantirishdagi o‘rnini aniqlash.
3. Ta’limda variativ uslublarni ishlab chiqish va joriy etishni pedagogik jihatdan asoslash.
4. Mavzu yuzasidan ilmiy-metodik tavsiyalar ishlab chiqish.
Mavzuning о‘rganilganlik darajasi. Ta'lim tizimida innavatsion dasturlarni ishlab chiqish, ta'lim berishning zamonaviy usullaridan foydalanish bo‘yicha vatanimiz va xorijiy davlatlar olimlari keng qamrovli ilmiy tadqiqot ishlari olib borganlar.
Pedagog olimlardan O.Jamoliddinova, O.Musurmonova, M.Urazova, N.Egamberdieva, B.B.Imanov, E.Yuzlikaeva, Sh.Sharipov, Sh.Shodmonovalarning ilmiy izlanishlarida o‘quvchilarda kreativlik qobiliyatlarini rivojlantirishning ertangi kun kelajagi kasb-hunarga tayyorgarligini shakllantirishdagi o‘ziga xos jihatlari, kreativlik sifatlarini rivojlantirishga ta’sir etuvchi ijtimoiy omillar, shaxs faolligi, shuningdek, o‘quvchilarda tanqidiy, kreativ tafakkurni shakllantirish yo‘llari va shakllari, mavjud pedagogik shart-sharoitlar, didaktik ta’minoti, shuningdek pedagogik kreativlik mazmuni yoritib berilgan.
O‘quvchilarda o‘z-o‘zini ijodiy faolashtirish, kreativ ishlanmalar (mahsulotlar)ni yaratishga xizmat qiluvchi shaxsga yo‘naltirilgan erkin ta’lim muhitini tashkil etish A.A.Abduqodirov, N.N.Azizxodjaeva, U.Sh.Begimqulov, J.F.Yo‘ldoshev, Yu.Kruglova, I.Ridanova, V.Slastenin, N.Sayidahmedov, O‘.Tolipov, G.Chijakova, B.Xodjaevlarning ilmiy tadqiqot ishlarida asoslangan.
Tadqiqot obyekti : Ta’limda variativ uslublarni ishlab chiqish va joriy etish jarayoni.
Tadqiqot predmeti: Ta’limda variativ uslublarni ishlab chiqish va joriy etishning shakl va vositalari
Do'stlaringiz bilan baham: |
