Мазкур ўқув-услубий мажмуа Олий ва ўрта махсус таълим вазирлигининг 016 йил апрелидаги 137-сонли буйруғи билан тасдиқланган ўқув режа ва дастур асосида тайёрланди

1. Ижтимоий-иқтисодий асослар. Барча соҳаларда кузатилганидек, Ўзбекистонда раҳбар шахс маънавиятининг шаклланишига таъсир кўрсатувчи ижтимоий-иқтисодий асослар мавжуд. Ҳар бир давлат ва жамоат ташкилотларида ходимларнинг малакасини ошириш ва уларни қайта тайёрлаш учун маблағлар ажратилади. Мақсадли ажратиладиган бу маблағлар бюджет ҳисобидан ва ташкилот-корхоналарнинг даромадлари ҳисобидан шакллантирилади. Бундан ташқари, ходимлар малакасини ошириш ва қайт тайёрлаш учун банклар имтиёзли кредитлар тизимини йўлга қўйган. Шунингдек, ходимлар ўз ташаббуслар билан хусусий тартибда маблағлари ёки хомийлик манбалари асосида ҳохлаган ўқув курсларида ўқишлари мумкин. Раҳбар шахслар, умуман фуқароларнинг маънавиятини шакллантиришга қаратилган ҳар бир чора-тадбирлар давлат томонидан ижтиомий-иқтисодий ва молиявий жиҳатдан рағбатлантиради. Бу ижтимоий-иқтисодий асослар раҳбар шахс маънавиятини шакллантиришга қаратилган ҳар бир чора-тадбирлар давлат томонидан ижтимоий-иқтисодий ва молиявий жиҳатдан рағбатлантирилади. Бу ижтимоий-иқтисодий асослар раҳбар шахс маънавиятини шакллантиришда муҳим аҳамиятга эга ва ўз самарасини бермоқда. Чунки, бу борада Биринчи Президент 1990 йилдаёқ бу борада ўзининг қатъий фикрини шундай ифодалаган эди: “Кадрлардан самара олиш учун уларни тайёрлашга маблағ сарфлаш лозим... Бу соҳада хасислик ярамайди”. Шу сабабли, ҳар бир бошқарув органи ходимлари маънавиятини оширишга йўналтирилган маблағлар ажратишни биринчи галдаги вазифалардандир. Мақсадли йўлга қўйилган бу йўналиш ўзининг кутган самарасини бермоқда. Шуниси эътиборлики, бу асосларни яратиш изчил характер касб этган.
2. Ҳуқуқий асослар. Раҳбар шахслар маънавиятини шакллантиришда ҳуқуқий асосларнинг ўрни беқиёсдир. Бу борада Ўзбекистонда етарли даражада ҳуқуқий база мавжуд. Ушбу ҳуқуқий асослар халқаро ҳуқуқ нормаларига мос равишда яратилган бўлиб, улар қуйидагилардан иборат:

• 
  Конституция (Асосий Қонун);
  
• 
  Конституциявий қонунлар;
  
• 
  Қонунлар мажмуи, жумладан асосийси Маъмурий Кодекс;
  
• 
  Тегишли меъёрий-расмий ҳужжатлар.
  

Бу қонун ва меъёрий ҳужжатларда раҳбар шахсларнинг ҳуқуқлари, бурчлари, мажбуриятлари ва ваколатлари белгилаб қўйилган. Улар раҳбар шахс раҳбар маънавиятини шакллантиришда ҳуқуқий асос бўлиб хизмат қилади. Чунки, раҳбар шахс маънавиятида ҳуқуқий онг ва ҳуқуқий маданият муҳим ўрин тутади. Президент таъкидлаган “ўз ҳақ-ҳуқуқини танийдиган, ўз кучи ва қобилиятига таяниб яшайдиган ... эркин шахс”¹ гуруҳига раҳбар шахс ҳам мансуб. Бу ҳуқуқий асослар раҳбар шахсга ҳуқуқий онг ва ҳуқуқий маданият маърифатдан сабоқ беради. Буюк Амир Темур: “Қонун бор жойда эркинлик бўлади”, деган экан. Раҳбар шахс маънавияти ана шу эркинлик воситасида шаклланади. Натижада, кишида мустақил фикр ва дунёқараш ҳосил бўлади. Бу маънавиятнинг биринчи элементларидандир.