Ámeliy jumíslar 1-ámeliy jumıs. Dán sapasın analiz qılıw. Sabaqtiń maqseti

Islew tártibi. Dáslepki úlgi tayarlaw. Alınǵan dán úlgileri brezent yamasa qalta tawarina kózden keshiriw hám bir-birine salıstırıw ushın jaylastırıladı. Eger bárshe úlgi bóleklerindegi dánlerdi organoleptikalıq kórsetkishleri bir quylı bolsa, olardı taza hám zıyankesler menen zıyanlanbaǵan ıdıslar ǵa jaylastırıladı. Dán toplamlarınan alınatuǵın bárshe úlgi bólekleriniń jıyındısı dáslepki úlgini quraydı. Dáslepki úlgi jaylastırılǵan ıdısqa etiketka qoyilip, onda egin túri, sorti, áwladı, ónim beriw jılı, dán jetıstirgen kárxananıń atı, vagon, avtomashina yamasa saqlaǵıshtıń nomeri; toplamnıń kilogrammdaǵi awırlıǵi; úlgi alǵan adamnıń qoli jazıladı. úlgi bóleklerinen dúzilgen dáslepki úlgi awırlıǵi iri dán toplamlarınan kóp alınǵan bolsa, kereginen artıqshalıq etiwi múmkin, bunnan tısqarı onıń ayrıqsha bólekleri hár túrli bolıwı múmkin. Sol sebeplerge qarap dáslepki úlgiden ortasha úlgi ajıratıladı.