Nuranov Ilxam Baxadır ulı

ÓZBEKSTAN AGROSANAAT KOMPLEKSINDE AGROBIZNESTI RAWAJLANDIRIWDIŃ SWOT-ANALIZI


Nuranov Ilxam Baxadır ulı
Qaraqalpaqstan awıl xojalıǵı hám agrotexnologiyaları institutı
“Agrobiznes hám investiciyalıq xizmet” tálim baǵdarı 3-kurs studenti


Annotaciya

Bul maqalada Ózbekstan agrosanoat kompleksinde agrobiznes jaǵdayınıń ulıwmalıq-ekspertizalıq analizi ótkerilgen. Izertlew jumısı metodoligiyalıq usıllardan SWOT-analiz texnikasına tıykarlanıp alıp barılǵan. Analiz dawamında mámleketimizdegi agrobiznestiń kúshli hám ázzi tárepleri, múmkinshilikleri hám oǵan qáwip salıp atırǵan tárepleri tuwrısında maǵlıwmatlarǵa iye boldıq. Anıqlanǵan kúshsiz táreplerdi dıqqat penen úyrenip, jol qóyılıp atırǵan kemshiliklerdi jónge salıwǵa baǵdarlanǵan anıq usınıslardı islep shıqtıq.

Gilt sózler: Agrobiznes, awıl xojalıǵı, fermer, SWOT – analiz.


I. Kirisiw
Agrobiznes – awıl xojalıǵı isbilermenliginiń eń jańa izertlew baǵdarlarınan biri. Ol awıl xojalıǵında dáramat keltiretuǵın hár qanday tarawda ónimdi, procesti, investiciyalardı basqarıwdı jolǵa qoyiwshı járdemshi faktorǵa aylanbaqta.
Ózbekstanda azıq-awqat ónimleriniń úlken kólemi awıl xojalıǵında jetistiriledi. Usıǵan mas túrde mámlekette qolay hám potencial agrobiznes ortalıǵı jaratılǵan bolıwı talap etiledi. Sebebi mámlekettiń qániygelesiwi kóp tárepten awıl xojalıǵına baylanıslı. Ol tómen rentabellik kórsetkishine iye bolsa da, kútilgenindey nátiyje bermey atırǵan bolsa da biz onnan házirshe bır jola waz keship kete almaymız. Biziń aldımızdaǵı birden-bir jol bul mámlekette agrobiznesti aktiv qollap-quwatlaw, kemshiliklerin jónge salıw jáne onıń jańa tarmaqların jolǵa qoyıw menen baylanıslı boladı.
Lekin soǵan qaramastan Ózbekstan shárayatında agrobiznesti izertlew jumısları azmaz tómen dárejede. Bul baǵdarda ózbek ilimpazları tárepinen júdá kem izertlewler alıp barılǵan. Usılardı esapqa alǵan halda biz bul tarawdı jáne de tereńirek úyreniw hám izertlew kerek, ulıwmalıq analizler ótkerip soǵan muwapıq usınıslardı alǵa súriw kerek dep esaplaymiz.
Buǵan baylanıslıǵı izertlewimizning tiykarǵı maqseti sonda, Ózbekstanda zamanagóy hám básekige shıdamlı agrobiznesti jaratıw múmkin be, eger múmkin bolsa, bunıń tiykarǵı kepilligi retinde nelerdi keltirip ótiwimiz múmkin, oǵan neler tosqınlıq etedi? degen máselelerge sheshim tabıwdan ibarat.