Nuranov Ilxam Baxadır ulı

Múmkinshilikleri
Qáwipler
1. Bazar múmkinshilikleriniń úlkenligi 2. Jer maydanınıń úlkenligi 3. Kóbirek jańa áwladlar 4. Tábiiy resurslardan tuwrı paydalanıw	1. Global báseki 2. Birlespegen bazar 3. Tómen sawda ámeliyatları 4. Bahalardıń ózgeriwi 5. Zamanagóy texnologiyalardıń úlken bahası

Analiz túsindirmeleri:
Kúshli tárepleri
1. Úlken tábiiy resurslar: Ózbekstan úlken tábiy resurslar rezervine hám jeterli jer maydanına iye. Hár bir resurstan orınlı paydalana alıw agrobiznestiń jańa tarmaqların ashıwǵa járdem beredi.
2. Úlken demografik kórsetkish: Ózbekstanda 35 millionnan artıq xalıq jasaydı. Bul úlken jumısshı kúshin jaratadı hám agrobiznestiń islew potencialın asıradı.
3. Eksport etiw qábiliyeti: Awıl xojalıǵı ónimlerin eksport qılıw arqalı valyuta aǵımın júzege keltiriw hám qımbatlı valyutaǵa ıye bolıw múmkin. Ózbekstan milliy ónimlerin eksport qılıwǵa qábiliyetli.
4. Kúshli dástúriy bilim: Awıl xojalıǵı áwladdan-áwladqa ótip kiyatırǵan bilimlerdi saqlaydı hám ámelde qollaydı. Dıyxanlar, shárwalar óz tájiriybelerine tayanǵan halda xojalıq júrgizgen hám bilimlerin shákirtlerine úyretken.
5. Jańa jumıs orınların jaratadı: Agrobiznes óz tarmaqları arqalı xalıqqa jumıs orınların usınıs etedi. Bul bolsa dáramat kórsetkishi tómen shańaraqlardıń dáramat deregine aylanadı.
6. Úlken ishki talap : Ózbekstan xalqı Oraylıq Aziya mámleketleri ishinde eń kóp mámleket esaplanadi. Ishki bazarda agrobiznes ónimlerine talap úlken. Bul agrobiznes ushın zárúrli unamlı qásiyet esaplanadı.
Kúshsiz tárepleri
1. Infrastruktura obyektleriniń tozıwı: Agrobiznes turaqlı jumıs alıp barıwı ushın jaqsı infrastruktura obyektlerin talap etedi. Ózbekstanda jol, taransport logistikasi, temir jol hám telekommunikaciya baylanısları ele de jetispeydi.
2. Geografiyalıq izolyatsiya shárayatı: Ózbekstan Oraylıq Aziya mámleketleri ishinde teńizge eń uzaq jaylasqan mámleket. Suw jolına shıǵıw múmkinshiliginiń joq ekenligi tavar aylanbasın, eksporttı quramalastıradı hám qosımsha qárejetlerge jol qóyıladı.
3. Professional basqarıwdıń jetispewshiligi: Awıl xojalıǵında professional menedjerlerge talap úlken. Basqarıw jaqsı jolǵa qoyılmas eken kompaniya maqsetlerine tolıq erise almaydı.
4. Zamanagóy texnologiyalardan paydalanıw múmkinshiligi sheklengen: Ózbekstan awıl xojalıǵında jańasha innovaciyalıq texnologiyalardı qollawdı jolǵa qoyıwı kerek. Zamanagóy texnologiya waqıttı hám resurslardı tejeydi, joqarı ónimdarlıqqa alıp keledi.
5. Klimat shárayatına baylanıslılıq: Awıl xojalıǵı hár tárepleme ıqlımǵa boysınadı. Klimattı insan faktori menen basqarıw múmkin emes. Sol kózqarastan ıqlım shárayatı hálsizlikke aylanǵan.
Múmkinshilikleri
1. Bazar múmkinshilikleriniń úlkenligi: Daslep agrobiznes ushın tek ǵana jergilikli bazar bar bolǵan bolsa, házirgi waqıtta bazar aralıǵı keńeydi. Awıl xojalıǵı isbilermenligi tek jergilikli bazarǵa baylanıslı bolıwı shárt emes, onı bazardan tısqarıǵa ótkeriw múmkin. Bazardıń keńeyiwi agrobiznes ushın úlken múmkinshilikler jaratadı.
2. Jer maydanınıń úlkenligi: Ózbekstan úlken awıl xojalıǵı maydanlarına iye. Jer awıl xojalıǵınıń tiykarı bolǵanı sebepli onıń kópligi agrobiznes tarmaqların erkin jaylastırıwǵa múmkinshilik beredi.
3. Kóbirek jańa áwladlar : Awıl xojalıǵın basqarıwshı jańa jas qánigelerdi tayarlaw arqalı tarawda tabısqa erisiw múmkin. Jańa kadrlar jańa bilimlerdi payda etedi.
4. Tábiiy resurslardan tuwrı paydalanıw : Ózbekstan tábiyǵıy baylıqlarǵa bay. Ísrapgershilikti sheklep, onı tuwrı bólistiriw hám maqsetli paydalanıw agrobizneske úlken múmkinshilikler esigin ashadı.
Qáwipler
1. Global báseki: Basqa bazarlardaǵı sıyaqlı agrar tarawda da úlken básekige dus keledi. Básekige shıdam bermegen kishi kárxanalar bazardan shıǵadı, iri kárxanalar bolsa úlken kapitalı arqalı ózinen basqalardı qısıp shıǵaraberedi.
2. Birlespegen bazar: Agrobiznes ushın jetilisken bazardı tabıw júdá qıyın is. Jaqsı bazar - bul juwmaqlawshı ónim ushın uyqas bahaǵa iye bolıw ushın zárúr bolıp tabıladı. Marketing mashqalası awıl xojalıǵı isbilermenligi ushın zárúrli qáwiplerden biri esaplanadı.
3. Tómen sawda ámeliyatları: Agrobiznes ónimleriniń tayarlanıwı, oralıwı, sapası, jetkizip beriliwi proceslerindegi salmaqlı kemshilikler bul tarawda kóplegen mashqalalardi keltirip shıǵarmaqta.
4. Bahalardıń ózgeriwi: Kompaniyalar bazardaǵı bahalardıń terbelisi sebepli úlken zıyan kóredi. Bahalardıń ózgeriwi xojalıqtıń byudjet balansın izden shıǵarıwı menen qáwip saladı.
5. Zamanagóy texnologiyalardıń úlken bahası: Zamanagóy texnologiyalar mudamı joqarı bolıp, onı kishi kárxanalar satıp alıwı qıyın. Bul jaǵday kishi kárxanalardıń múmkinshiliklerin chekleydi hám jańalanıwına qáwip saladı.