“Menejment” kafedrasi

Kengash raisi:

Rektor vazifasini bajaruvchi A.Vahobov


Taqrizchilar: M.Muhrumbaeva - i.f.n., dots.

A.Samadov - i.f.n., dots.

“Iqtisod-moliya”, 2005

KIRISH
Ushbu o’quv qo’llanma «Mutahassislikka kirish» fani bo’yicha namunaviy o’quv dasturi asosida yozilgan bo’lib, Oliy ta’limning 5340200 - “Menejment” bakalavriat yo’nalishi uchun boshlang'ich adabiyot sifatida rejalashtirilgan.

Mazmun-mundarijasi jihatidan ushbu qo’llanma “Mutahassislikka kirish” fanini talabalar tomonidan yanada chuqur o’zlashtirilishiga xizmat qiladi. Bundan tashqari, o’quv qo’llanmani tayyorlashda O’zbekistondagi menejment sohasining o’ziga xos tomonlari inobatga olingan.

Hozirgi bozor iqtisodiyoti sharoitida rahbar ham, rahbarlik uslublari ham tubdan o’zgargan. Hozirgi rahbarlarga juda katta talab va mas’uliyatlar qo’yilmoqda: jumladan, yuqori toifadagi mutaxassis bo’lish, haqiqiy tadbirkor, tashkilotchi, mohir etakchi, ayni paytda o’z haq-huquqini chuqur bilish talab etilmoqda. Shu o’rinda ushbu o’quv qo’llanma talabalarning mazkur fandan nazariy bilimlarini yanada oshirishga hizmat qiladi.

Qo’llanmada, rahbar yoki menejer kim, qanday qilib menejer bo’lish mumkin? Oqilona tanlov va ishonchli qaror qabul qilishning sir-asrorlari nimada? Qanday rahbarlarni adolatli va madaniyatli deyishimiz mumkin? Rahbarlik uslubiga qarab rahbar turlari? Menejerlar toifasi, kabi savollar talabalarimizga keng ochib berilgan.

“Menejment va huquq” kafedrasining dots. D.Sobirjonova va k.o’q.U.Boymatovalar tomonidan «Mutahassislikka kirish» fanidan tayyorlangan o’quv qo’llanmasi Oliy Ta’limning Davlat Ta’lim standartlari talablari asosida yozilgan.

Ushbu o’quv qo’llanma mamlakatimiz va chet el adabiyotlarini o’rganib, «Mutahassislikka kirish» fanining nazariy savollariga aniq javoblar topish mumkin.

Undan foydalangan talabalar yuqorida ko’rsatilgan fanlarning maqsadi va vazifalari, mazkur faoliyatini tashkil etish, segmentlarni o’rganish, narhni belgilash, korxonani boshqarish usullari va ko’rsatkichlari, yangi bozorni boshqarish kabi masalalarni chuqur o’rganish manbai bo’lib hizmat qiladi.

O’quv qo’llanmadan, oliy o’quv yurti talabalaridan tashqari, malaka oshirish markazlarining o’quv jarayonlarida ham asosiy material sifatida foydalanish maqsadga muvofiq.