Metall kesuvchi

Zagotovkalarda rezba tayyorlashning asosiy usullarini keltiring va izohlang.

5Б63 modelli rezba frezerlash yarim avtomatining vazifasi va ishlash prinsipini tushuntiring.

Rezba qirquvchi tokarlik, bolt va gaykalarga rezba ochish stanoklari haqida tushuncha bering,

Rezbalarni nakatka qilish usullari (sxemalari) va rezba nakatka qilish stanoklari hamda asboblari. Rezba nakatka qilishning afzalliklarini ko'rsating.

5K822B modelli universal rezba jilvirlash stanogining ishlash prinsipi va vazifasini izohlang. Rezbani jilvirlash sxemasini keltiring.

16. bob. ABRAZIV ISHLOV BERISH STANOKLARI

Bobning qisqacha mazmuni:

1. 
   Abraziv ishlov berish stanoklari guruhining umumiy tavsifi. Gu- ruh stanoklarining asosiy tiplari.
   
2. 
   Tashqi va ichki doiraviy hamda yassi jilvirlash stanoklari.
   
3. 
   Pardozlash ishlari uchun xoninglash, do vodka, superfinishlash stanoklari.
   

Tayanch so‘z va iboralar: 1. Abraziv ishlov berish stanoklari guruhi.
2. Doiraviy jilvirlash stanoklari. 3. Ichki jilvirlash stanoklari. 4. Yassi jil- virlash stanoklari. 5. Xoninglash yarim avtomati. 6. Dovodka qilish stanogi.
7. Superfinishlash stanogi.
16.1. Abraziv ishlov berish stanoklari guruhining umumiy tavsifi Guruh stanoklarining asosiy tiplari. Abraziv asboblar bilan ishlov- chi
stanoklar hozirgi zamon mashinasozligida muhim o‘rin egallaydi. Bunday stanoklarning asosiy qismi jilvirlash stanoklari bo‘lib, ular asosan texnologik jarayonning oxirgi tozalab va pardozlab ishlov berish (finish) operatsiyalarini bajarish uchun mo‘ljallangan. Jilvirlash stanoklari tashqi va ichki silindrik, konussimon va shakldor yuzalar, hamda tekisliklami tozalab va pardozlab ishlash, rezba va tishli g‘ildirak tishlarini jilvirlash, shuningdek zagotovkalarga tekislash, tozalash kabi xomaki ishlov berish, materiallarni qirqib ajratish, kesuvchi asbob- lami charxlash ishlarini amalga oshiradi.
Jilvirlash stanoklarining afzalliklaridan biri yuqori qattiqlikka ega bo‘lgan, boshqa kesuvchi asboblar yordamida ishlab bo‘lmaydigan detallar, masalan, toblangan po‘latlar, qattiq qotishmalar va boshqa materiallaiga ishlov berish mumkinligidir.
Abrazivlar yordamida ishlov beruvchi stanoklar quyidagi asosiy tiplarga bo‘linadi (16.1-jadvalga qarang):