Metallar korroziyasi haqida tushuncha. Korroziya turlari

Korrozion aktivator va ingibitorlar. Korroziya jarayonining tezligiga eritmalarda bo‘lgan ionlar, ya'ni H^ va OH^- ionlari konsentrasiyasi, eritmaning vodorod ko‘rsatkichi (pH) katta ta'sir ko‘rsatadi. H^ ionlari konsentrasiyasi ortsa, korroziya kuchayadi, OH^- ionlari konsentrasiyasining ortishi temirning korroziyalanishini susaytiradi. Lekin gidroksidlari amfoter xossaga ega bo‘lgan metallar (Zn, Al, Pb)ning korroziyasi OH^- ionlari konsentrasiyasi ortganda tezlashadi.
Korroziyani tezlatuvchi moddalar korrozion aktivatorlar deyiladi. Bularga ftoridlar, xloridlar, sulfatlar, nitratlar va hokazolar kiradi. Korrozion muhitga qo‘shilganida metallar korroziyasini susaytiradigan moddalar korrozion ingibitorlar deb ataladi. Masalan, aminlar, mochevina, aldegidlar, sulfidlar, xromatlar, fosfatlar, nitritlar, silikatlar va hokazolar korrozion ingibitorlardir