Microsoft Word baholash tartibi

Nazorat uchun savol va topshiriqlar:
1. Oddiy va kengaytirilgan takror ishlab chiqarishning farqi nimada? Ular iqtisod- iyotning qanday ko’rinishlari uchun xos ekanligini izohlang.
2. Milliy iqtisodiyot tushunchasi nimani ifodalaydi? Uning qanday tarkibiy qismlari mavjud?
3. Makroiqtisodiy ko’rsatkichlar nimalar va ular milliy iqtisodiyotda qanday rol o’ynaydi?
4. YAIM va SMM bir-biridan nima bilan farqlanadi? SMM va milliy daromad-chi?
5. Milliy mahsulot harakat shakllari tavsifini bering.
6. YAIM qanday usullarda hisoblanadi? Ularning farqi nimadan iborat.
7. Nominal va real YAIM tushunchalarini izohlang. Ularning farqini ko’rsating.
8. Agar joriy yildagi nominal YAIM hajmi 700 mlrd. so’mga, narx indeksi 1,5 ga teng bo’lsa, real YAIM hajmi qancha bo’ladi? Agar narx indeksi 0,8 ga teng bo’lsa-chi?
9. Takroriy hisob, qo’shilgan qiymat, oraliq mahsulot va pirovard mahsulot tushunchalarini izohlab bering.
10. Sof iqtisodiy farovonlik ko’rsatkichining mohiyati hamda hisoblash tartibini tushuntirib bering.
15-MAVZU. ISTE’MOL, JAMG’ARMA VA INVESTISIYALAR.

Reja:
1. Iste’mol va jamg’armaning iqtisodiy mazmuni hamda ularning o’zaro bog’liqligi.
2. Jamg’arishning mohiyati, omillari va samaradorligi.
3. Investitsiyalar va uning darajasini belgilovchi omillar.
4. Jamg’arma va investitsiya o’rtasidagi muvozanatni ta’minlash muammolari.

Asosiy tayanch tushunchalar: Iste’mol, shaxsiy iste’mol, unumli iste’mol, iste’mol sarflari, jamg’arish, iste’molga o’rtacha moyillik, jamg’arishga o’rtacha moyillik, iste’molga keyingi qo’shilgan moyillik, jamg’arishga keyingi qo’shilgan moyillik, iqtisodiy jamg’arish, jamg’arish normasi, investitsiya, investitsiyalar samaradorligi,

Kirish
Milliy mahsulot harakat shakllari ichida milliy daromad ahamiyatli o’rin tutib, u aholi farovonligiga bevosita ta’sir ko’rsatadi.
Ushbu mavzuda milliy daromad tarkibiy qismlari tahlili davom ettirilib, uning iste’mol hamda ishlab chiqarishni kengaytirishga ketadigan qismi bo’lgan jamg’arishning iqtisodiy mazmunini qarab chiqiladi. Ularning darajasini aniqlovchi asosiy omillarni ko’rsatib beriladi. SHu bilan birga shaxsiy daromadning iste’moldan ortiqcha boshqa qismi – jamg’armaning iqtisodiy mazmuni va omillarini ko’rsatib berishga ham alohida e’tibor qaratiladi.