Microsoft Word Mehmonxona biznesida narxlarni belgilash hususiyatlari va uni takomillashtirish yoâ•Ÿllari

XULOSA

“Mehmonxona biznesida narxlarni belgilash hususiyatlari va uni takomillashtirish yo‘llari” mavzusida bajarilgan tadqiqot ishi natijasida quyidagi xulosa va tavsiyalar ishlab chiqildi:

1. 
   Turistlarga ko‘rsatiladigan kompleks xizmatlar tizimida mehmonxona xizmatlari markaziy o‘rinda turadi va u har bir turning tarkibiy qismi hisoblanadi. Ammo mehmonxonalarda narx belgilash hususiyatlari mamlakatimiz olimlari tomonidan kam o‘rganilgan va mos ravishda iqtisodiy adabiyotlarda kam yoritilgan soha bo‘lib qolmoqda.
   
2. 
   Mehmonxona biznesida narxlashtirish – marketingning muhim elementi va mehmonxona xo’jaligiga foyda keltirish uchun yo’l ochib beruvchi asosiy vositadir.
   
3. 
   Narx – iste’molchilarni jalb qiluvchi asosiy vositalardan biri bo’lib, narxli raqobat usuli raqobat turlari ichida eng samarlisi bo’lib hisoblanadi.
   
4. 
   Turistik tashkilotlar, hususan mehmonxonalar xizmatlariga narx belgilashda ishlab chiqarish harajatlarini emas, balki bozor holati, ko’rsatiladigan xizmatlar sifati, raqobatchilar narxlari, iste’molchilarning to’lov qobiliyati kabi hususiyatlarni hisobga olgan holda tannarxdan past bo’lmagan narxlarni belgilash talab etiladi.
   
5. 
   Mehmonxonalardagi yuqori narxlar mehmonxona tomonidan sarflanayotgan harajatlar hisobiga yuzaga kelmoqda. Shuning uchun ishlab chiqarishga doir sarflarni imkon qadar kamaytirish, resurslardan samarali foydalangan holda xizmat tannarxini yanada pasaytirish lozim. Bu esa o’z navbatida turistik xizmatlar narxining ham ma’lum darajada pasayishiga olib keladi.
   
6. 
   Mehmonxonalarda ko’rsatilayotgan servis xizmatlari narxlari va ularning sifati orasidagi munosiblikka e’tibor berish lozim. Umuman olganda, turistik firma rahbariyati biz belgilayotgan ushbu narx ko’rsatiladigan xizmat sifatiga mos keladimi va turistlar ushbu narxdan qoniqish hosil qiladimi degan savolga javob berishlari kerak.
   
7. 
   Ko’rsatilayotgan asosiy va qo’shimcha xizmatlar assortimentini va sifatini yanada oshirish maqsadida turistlar o’rtasida anketa-so’rovnomalarini o’tkazib turoish tavsiya etiladi.
   
8. 
   Turizm sohasidagi mavsumiylik narxlashtirish siyosatiga kuchli ta’sir ko’rsatadi. Mehmonxonalar tomonidan mavsumiy va nomavsum paytlar uchun alohida narxlarni ishlab chiqish lozim.
   
9. 
   Shahrimizda faoliyat ko’rsatayotgan katta-kichik mehmonxonalarning narxlashtirish siyosatini amalga oshirish jarayonida narxlashtirish strategiyasi usullaridan foydalanish ko’rsatkichi past darajada.
   
10. 
    Mehmonxona xizmatlari narxlarini belgilashda narxlashtirishning ekonometrik modellaridan hamda solishtirish uslubidan foydalanish muhim ahamiyat kasb etadi.
    
11. 
    Mavsumiylik muammosini hisobga olgan holda turli xil chegirmalar va bonuslar joriy etish hamda ularni prays-varaqalarda aks ettirish orqali turistlarni yanada ko’proq jalb etish mumkin. Mavsumiy chegirmalar mehmonxonaga yil davomida faoliyat ko’rsatishni ancha stabil darajasini qo’llab-quvvatlash imkonini beradi.
    
12. 
    Mehmonxonalar tomonidan sheriklar bilan hamkorlikni davom ettirish jarayonida “Alohida narxlar” asosida narx belgilash hamkorlikning uzoq vaqt davom etishiga sabab bo’ladi.
    
13. 
    Mehmonxonalarda asosiy bo’lgan joylashtirish xizmatidan tashqari bir qancha pullik va bepul xizmatlarni joriy etish va bunda turizm rivojlangan davlatlar tajribasiga ko’ra ish olib borish korxona faoliyatining yanada yaxshilanishiga olib keladi.
    
14. 
    Narx belgilashning bir qator psixologik omillari mavjud bo’lib, bulardan foydalanish iste’molchilarni yanada ko’proq jalb qilishga olib keladi.