Microsoft Word sabotul ojizin ziyouz com doc

www.ziyouz.com kutubxonasi 
25
Мусулмон ўғли қилмас ишларим бор. 
Эрурман бандаларни сарнигуни, 
Тўлай ёру биродарлар забуни. 
Манингдек осий бўлғайму жаҳонда, 
Гуноҳим зоҳиримдан кўп ниҳонда. 
Нетай, чун айни ақлим безиёдур, 
Амал ҳам йўқ, агар қилсам риёдур. 
Агарчи ман ёмон қул пой то фарқ, 
Бўлибман маъсият дарёсиға ғарқ. 
Вале содиқ эрурман бирлигингга, 
Таёнибман Сани ғофирлигингга. 
Лаҳадга кирса бу ёлғуз ғариб бош, 
Ўгурса юз ҳама қавму қариндош. 
Таҳаййур бўлса жони ғам .сиришта, 
Етушса сўрғоли ики фаришта. 
Сан осон этмасанг андоғ саволи, 
Нечук кечгай ғариб бандангни ҳоли? 
Деса: «ман роббук» ики абди даргоҳ, 
Тилимга жорий қилғил: «Раббим —
Оллоҳ! 
Агарчи осийдур, ё Раб, бу банда, 
Ўзинг бандам дегил, «Раббим» деганда. 
Агар сен қилмасанг, қуллуқ отин жуд, 
Манинг «қулман» деганимдан нечук суд? 
МУНОЖОТ 
Илоҳо, лутф қил, мунда ва анда, 
Мани банда этиб, беркит бу банда. 
Агар чанди ки гўрсиз ўлса инсон, 
Сўролур, албатта, бешакку нуқсон. 
Агар дарёда ўлсун ё осилсун, 
Азоб этса, бани одам на билсун. 

---

Саботул-ожизин. Сўфи Оллоёр 
www.ziyouz.com kutubxonasi 
26
Даранда одам ўғлин қилса хўрок, 
Гумон йўқдур, сўрар қорнида, эй пок. 
Агар банда муьаззаб бўлса анда, 
Қолур туймай бу ишни ул даранда. 
Нечук қилса эрур Қодиру Носир, 
Бу ерда бандасининг ақли қосир. 
На ким айди Худойинг ё Паямбар, 
Ани махкам тутиб, фикр этма дигар. 
ҚИЁМАТНИНГ ҲАҚЛИҒИ БАЁНИ 
Қиёмат ҳақ эрур, эй одамизод, 
Худо Қуръон ичинда қилди кўп ёд. 
Бўлур қудрат билан туфроғимиз тан, 
Кирар жон қайтадан бешубқаву зонн. 
Танинг ҳар турли бўлғон бўлса барҳам, 
Қилур бурноғидек Халлоқи олам. 
Худо ҳеч ерда йўқни айлади бор, 
Яратса қайтадан, эрмас бу душвор. 
Удур ҳоким, нечук ким ҳукм қилди, 
«
Тирил!» дегач, ҳама олам тирилди. 
Йиғар маҳшар еринда барча жонни, 
Сўрар бандасидин яхши —ёмонни. 
Ҳар ишни кўп қилибдурсан ва ё оз, 
Ҳисобин ҳам тилар ул бандадин боз. 
Худо ҳар бандасиға қилса осон, 
Жавобин бергуси банда ўшал он. 
Агар қаттиқ тутар банда ҳисобин, 
Ўзи билғай анга солғон азобин. 
Билур гарчи жамиъи ҳолимизни, 
Юборур номаи аъмолимизни. 
Юборса номани раҳмат йўлидин, 
Келур нома у қулнинг ўнг қўлидин. 

---

Саботул-ожизин. Сўфи Оллоёр