Microsoft Word sahih buhari1 ziyouz com doc

18-bob. Jum’a kuni namozda safda turgan kishilarning orasidan yorib 
o‘tilmasin! 
Salmon Forsiy naql qiladirlar: «Rasululloh sallallohu alayhi va sallam: «Kimki jum’a kuni 
g‘usl qilib, o‘ziga xushbo‘y narsalar sepib, namozga kelsa va. safda turganlar orasiga 
qo‘pollik bilan suqilib kirmasa, nasib etgancha namoz o‘qisa, imom minbarga chiqib, 
xutba aytayotganda jim turib quloq solsa, uning shu jum’a birlan o‘tgan jum’a orasidagi 
gunohlari kechirilg‘aydir»,- deganlar». 
19-bob. Jum’a kuni birodarini turgizib yuborib, o‘rniga o‘tirib olinmaydir 
Nofi’ raziyallohu anhu rivoyat qiladirlar: «Men Ibn Jurayjga: «Rasululloh sallallohu alayhi 
va sallam namozda birodarini turg‘izib yuborib, o‘rniga o‘tirib olishni qoralabdilar, buni 
menga Ibn Umar aytdi»,- dedim. Shunda Ibn Jurayj: «Jum’a namozidami?» - dedi. Men: 
«Jum’ada ham, boshqa namozlarda ham»,-dedim». 
20-bob. Jum’a kuni azon aytmoq 
Soib Ibn Yazid bunday deydilar: «Jum’a kunidagi birinchi azon,' Rasululloh, Abu Bakr va 
Umarning davrlarida, imom minbarga borib o‘tirganda aytilgan. Usmon xalifalik qilgan 
davrlarida Madinai Munavvarada odam ko‘payib, Zavro’ (masjid yonidagi joy)da uchinchi 
azon aytiladigan bo‘ldi». 
21-bob. Jum’a kuni bir kishi muazzinlik qiladir 
Soib ibn Yazid: «Jum’a kunidagi uchinchi azonni Usmon ibn Affon joriy qilganlar, 
Rasululloh sallalloxu alayhi va sallamning muazzinlari bittadan ortiq bo‘lmagan va jum’a 
kuni azon imom minbarga borib o‘tirganda aytilgan»,-deydilar. 
22-bob. Imom azonni eshitsa, minbarda o‘tirib, so‘zlarini takrorlab turadi 
Abu Umoma rivoyat qiladirlar: «M uoviya ibn Abu Sufyonning minbarda o‘tirib azon 
kalimalarini qaytarib aytayotganini eshitdim. Muazzin: «Ollohu akbar, ollohu akbar» ,— 
deganda, u ham: «Ollohu akbar, ollohu akbar»,- dedi. Muazzin: «Ashhadu alla iloha 

---

Sahihi Buxoriy. 1-jild. Imom Ismoil al-Buxoriy 
www.ziyouz.com kutubxonasi 
178
illalloh»,- deganda, Muoviya: «Men ham guvohlik bergaymen»,- dedi. Muazzin: 
«Ashhadu anna Muhammadan rasululloh»,- deganda, Muoviya: «Men ham guvohlik 
bergaymen»,- dedi. Muazzin azonni aytib bo‘lgach, Muoviya: «Ey odamlar, men 
Rasululloh sallallohu alayhi va sallamning muazzin azon aytayotganda mana shu joyda 
o‘tirib hozir men aytgan so‘zlarni aytganlarini eshitganman»,- dedi».