Microsoft Word Улыума касиплик

Kommunikativ  qa`biliyet  –  bul  balalar  menen  qarım  qatnasta    bolıwg`a, 

oqıwshılarg`a  jandasıw  ushın  tuwrı  jol  taba  biliwge,  olar  menen  pedagogik  ko`z- 

qarastan  maqsetke  muwapıq  o`z  ara    baylanısıwg`a  pedagogik  takttın`  bar  eken`ine 

qaratılg`an qa`biliyet. 

Pedagogikalıq  takt  psixologiyasın  u`yreniwde    psixolog  İ.V.Straxov  ju`da` 

u`lken`  u`les  qosqan.  Onın`  pikirinshe,  bunda  a`hmiyetlisi  oqıwshılarg`a  ta`sir  etiwdin` 

en`  qolay  usılların  taba  biliw,  ta`rbiyalıq  ta`sirdi  qollawda  maqsetke  muwapıq 

pedagogikalıq  sharalarg`a  itibar  beriw,  anıq  pedagogikalıq  wazıypalardı  esapqa  alıw, 

oqıwshı  shaxsının`  psixologiyalıq  qa`siyetleri  ha`m  onın`  imkaniyatları  ha`mde  usı 

pedagogikalıq  jag`daylardı  esapqa  alıw  za`ru`r.  Pedagogikalıq  takttın`  anıq  

ko`rinislerinen  biri  –  ha`r  qanday  pedagogikalıq  ta`sirge  qollanılatug`ın  sharaların  seze 

biliwden  ibarat.  Parasatlı  oqıtıwshı  balalarg`a  itibar  berip,  ziyreklilik  penen  qaraydı, 

olardın` individual-psixologiyalıq qa`siyetleri menen esaplasadı.