Pertseptiv qa`biliyet – bul oqıwshının`, ta`rbiyalanıwshının` ishki du`n`yasına
kire alıw, psixologiyalıq baqlawshılıq, oqıwshı shaxsının` waqtınshalıq psixologiyalıq
jag`dayları menen baylanıslı na`zik ta`replerin tu`sine biliwden ibarat qa`biliyet bolıp
esaplanadı. qa`biliyetli oqıtıwshı balalardın` ha`r qanday mayda shu`yde ha`reketlerinde
erkin sa`wlelenetug`ın ayırım sırtqı jag`daylarda olardın` ishki du`n`yasında ju`zege
keletug`ın o`zgerislerdi sezdirmesten bilip aladı. Bunday hallarda oqıtıwshı kimdir
sabaqqa tayarlanbay kelgen bolsa onın` ko`zine qarap aq bilip aladı.
Do'stlaringiz bilan baham: |