Microsoft Word Улыума касиплик

Oqıwshılar qa`biletin diagnostikalaw,  qa`biletin  qa`liplestiriwge individual  

jantasıw ma`seleleri. 

Tuwma  ziyrek  balalardı  tu`siniw  ushın,  en`  birinshi  na`wbette  balalar 

psixikasının` jas o`zgesheligin biliwimiz kerek. 

 Egerde  uqıplılıq  qandayda  bir  psixikalıq  qa`siyet  bolsa,  ziyreklilik  sol 

uqıplılıqtın`  en`  joqarı  ko`rsetkishi  bolıp  esaplanadı.Uqıplılıq  ha`m  zeyinlilik  turmıs 

barısında sa`wlelenip baradı. 

Ayırım  balalarda  erte  da`wirden  rawajlanıwdın`  ayrıqsha  na`tiyjeli  ko`rinisleri: 

erte jastan olarda rawajlanıwdın` ayrıqsha jetisken`ligi ha`m aqılıy uqıplılıg`ı baqlanadı. 

Mektepte ayrıqsha itibardı tek g`ana artta qalıwshı oqıwshılar g`ana emes, al basqalarg`a 

salıstırg`anda  oqıw  an`sat  esaplanatug`ın,  oqıw  barısında  joqarı  jetisken`liklerge  erisip 

atırg`an  balalarda  tartadı.  Oqıwda,  ja`miyetlik  jumıslarda  oqıwshılar  ha`reketleniwi, 

erisken` jetisken`likleri boyınsha bir-birinen ayırılıp turadı. 

---

 

73

Ziyrek  balalardag`ı  aqılıy  uqıplılıqtın`  erte  payda  bolıwı  ata-analar,  pedagoglar, 

ja`ma`a`tshilikti  biyparwa  qaldırmawı  kerek,  sebebi  olardag`ı  berilgen  talanttın` 

jog`alıwına alıp keliwi mu`mkin. 

Ziyrek  balalardın`  mektepke  qabıl  etiliwinde  olardın`  aqılıy  mu`mkinshiliklerin 

esapqa  almaw  tek  g`ana  ata-anaar  ushın  g`ana  emes,  mug`allimlerge  de  mashqala 

tuwdıradı. Sebebi olardın` rawajlanıw tempi  ha`m aqılıy rawajlanıwı ayrıqsha jantasıwdı 

talap  etedi.Bul  jerje  balalarg`a  ha`r  qıylı  variantlar  qollanıladı.Ayırım  jag`dayda  balanı 

mektepke bir  yamasa eki jıl burın qabıllaydı.  Ayırım jag`dayda  mektep jasına kelgende 

onı da`rha`l eki  yamasa u`shinshi klassqa (ha`tteki  n`-klassqa), ayırım waqıtları birinshi 

klassqa qabıllaydı, biraq keyinirek onı tezlik penen onnan u`lken`irek klassqa o`tkeredi.