Microsoft Word Улыума касиплик
Download 0.83 Mb. Pdf ko'rish
|
fb5aa1420f3ef419f772968b608c687c
Tayanısh tu`sinikler: Qa`biliyetler, ka`siplik bilim, ta`jiriybe, ko`nlikpe, individual psixologiyalıq o`zgeshelikler, o`zgeriwshen` mug`dar, ko`rkem, pikirlewshi, orta, talant, ziyreklilik, uqıplılıq, joqarı intellektuallıq, aqılıy rawajlang`an, individual o`zgeshelik, pedagogikalıq qa`biliyetler,didaktikalıq qa`biliyet, akademikalıq qa`biliyet, kommunikativ qa`biliyet, pertseptiv qa`biliyet, dıqqattı bo`listire alıw, pedagogikalıq qıyal.
67
Qa`biliyetler haqqında ulıwma tu`sinikti payda etiw ushın olarg`a tiyisli faktorlar, quramlar boyınsha ayırım mag`lıwmatlar keltiriw maqsetke muwapıq: a) qa`biliyetler shaxstın` psixologiyalıq o`zgeshelikleri eken`ligi; b) usı o`zgesheliklerge bilimi ko`nlikpe, ta`jiriybe arttırıw tiyisl; v) usı o`zgesheliklerdin` o`zi bilim, ko`nlikpe ha`m ta`jiriybelerge tiyisli emes. Psixologiyalıq izertlewlerdin` ko`rsetiwinshe, joqarı ta`lim protsesinde o`zlestiriw ko`rsetkishi boyınsha «ortasha» bolg`an talaba keyinshelli unamlı ta`repke o`zgeriwi, basqa tarawda joqarı na`tiyjelerge erisiwi, ha`tteki qa`nigeligine jaqın bag`darda o`zin ko`rsetiwi mu`mkin. Ta`lim ha`m sotsiallıq turmısta uqıpsız, «jaraqsız» dep bahalang`an insanlar keyinshelli belgili bir tarawdın` jetekshi qa`nigesi sıpatında elge tanılıwı, joqarı lawazım iyelewi, ta`dbirkar shaxs sıpatında ka`mal tabıwı ta`jiriybede ko`p ushıraydı. Sonın` ushın bilim, ko`nlikpe ha`m ta`jiriybelerdi iyelew protsesinde qa`biliyetler ko`rinse de, biraq olar bilim, ko`nlikpe, ta`jiriybelerge tiyisli emes, usı sebepten, olar bir-biri menen o`zara mu`na`sibet ha`m tuwrı ko`z qarastan talıqlag`anda qa`biliyetler menen bilimler, qa`biliyetler menen ko`nlikpeler a`hmiyet, mazmun, ma`nis ta`repinenbir-birinen ajıraladı. Usı psixologiyalıq ha`diyse obrazlıraq etip tu`sindirilgende, bilim, ko`nlikpe, ta`jiriybe shınıg`ıw sebepli iyelenetug`ın anıqlıq dep qıyal etilse, qa`biliyetler shaxstın` ruwhıy du`n`yasındag`ı ele ju`zege shıqpag`an imkaniyatı bolıp esaplanadı. Ma`selen, talabanın` oqıwg`a kiriwi ol qa`nige sıpatında ka`siplik ka`millik ushın imkaniyat sıpatında sa`wleleniwi sıyaqlı, shaxstın` qa`biliyetleri ka`siplik bilim, ko`nlikpe ha`m ta`jiriybelerdi iyelew ushın imkaniyat sıpatında ko`rinedi. Ka`siplik bilim ha`m ko`nlikpeler o`zlestirildime yaki joqpa, imkaniyat ju`zege shıqtıma yaki orınlanbag`an arzıy sıpatnda qalıp kettime-bulardın` barlıg`ı ko`pg`ana faktorlarg`a ha`m sharayatlarg`a baylanıslı. Mısalı, qorshag`an ortalıqtag`ı adamlar(shan`araq,mektep, miynet ja`ma`a`ti ag`zaları,ja`ma`a`tshilik) shaxstın` ol yaki bul bilim ha`m ko`nlikpelerdi iyelewine ma`pdarlıq,oqıw, u`yretiwge qatnası,olardı sho`lkemlestiriw ha`m bekkemlewge bolg`an juwapkershilikti seziniw sıyaqlılardın` barlıg`ı imkaniyattı payda etiwdin`, onı barlıqqa(voqelik) aylantırıwdın` kepilligi bolıp tabıladı. Psixologiyanın` metodologiyalıq tiykarının` ko`rsetiwinshe, qa`biletler – imkaniyatlar sistemasınan du`zilgen bolıp, ol yaki bul iskerliktegi za`ru`riy sheberlik da`rejesi haqıyqat esaplanadı.İnsanda payda bolıp atırg`an ko`rkem o`ner qa`bileti onın` su`wretshi sıpatında qa`liplesiwine kepillik bere almaydı. Su`wretshiikti iyelewi ushın arnawlı bilim beriliwi, ta`biyatqa ayrıqsha qatnası, qabıl etiw qıyalı, shaxsiy pazıyleti, den sawlıg`ı, materiallar,boyawlar, a`sbap –u`sken`eler ha`m basqalar tayar bolıwı kerek. Ko`rsetilip o`tilgen zatlar sha`rt-sharayatlarsız su`wretlew o`neri qa`biliyetleri rawajlanbay turıp-aq, da`slepki ko`rinisinde-aq so`nip barıwı mu`mkin. Ja`miyetlik
68 tariyxıy rawajlanıw barısında bunday ha`diyseler san-sanaqsız bolıp o`tken`ligi hesh kimge sır emes. Psixologiya pa`ni qa`biliyetler menen iskerliktin` a`hmiyetli tarawları bolg`an bilim, ko`nlikpe ha`m uqıplılıqlardın` tek bir na`rse eken`lgin biykarlaydı. Olardın` birligin ko`rsetip beredi. Sonın` ushın qa`biliyetler tek iskerlikte ko`zge ko`rinedi, biraq, sonda da tap usı qa`biliyetlersiz a`melge asırılıwı qıyın iskerlik ko`rinislerinde g`ana sa`wlelenedi. Eger shaxs su`wret salıwg`a ele u`yrenbegen bolsa egerde ol su`wretlew iskerliginin` uqıplılıqların orınlay almasa, onın` su`wretlew o`nerine bolg`an qa`biliyetleri boyınsha pikir ju`ritiwge orın joq. Bulardın` barlıg`ı bolajaq su`wretshinin` jumıs usılları,ren` qatnasların qanshelli tez ha`m an`sat o`zlestiriwinde ha`mde ta`biyattag`ı go`zzallıqtı an`law, qıyal etiwinde ju`zege keledi. Talabada ka`siplik bilim, ko`nlikpe ha`m uqıplılıqlar sisteması, olardın` turaqlılıg`ı, qa`liplesken` shaxsiy jumıs uslubları joq eken`ligine tiykarlanıp,olardı tolıq tekserip, diagno`z etpey turıp, asıg`ıs tu`rde onda qa`biliyetler joq degen sheshim shıg`arıw joqarı mektep oqıtıwshısının` qopal psixologiyalıq kemshiligi bolıp esaplanadı. Balalıq da`wirinde qandayda bir qa`biliyetlerdin` do`gerek-a`tiraptag`ı adamlar ta`repinen ta`n alınbag`anlıg`ı, keyinshellik tap usı qa`biliyetleri sebepli ja`ha`nde mu`na`sip dan`qqa iye bolg`an ju`da` ko`p alımlardın` atı belgili, solardan Al`bert Eynshteyn, Niqolay Lobachevskiy ha`m t.b. Qa`biliyetler bilim, ko`nlikpe ha`m ta`jiriybelerde ko`rinbeydi, ba`lkim olardı iyelew dinamikasında ko`rinedi. Xızmet ushın za`ru`r bolg`an bilim ha`m ko`nlikpelerdi o`zlestiriw protsesinde ju`zege shıg`atug`ın parıqlar qa`biliyetler haqqında pikir ju`rgiziw imkanın beredi. Demek, shaxstın` xızmetin na`tiyjeli a`melge asırıw sha`rti esaplang`an, bilim ko`nlikpe ha`m ta`jiriybelerdi iyelew dinamikasında ju`zege shıg`atug`ın parıqlarda ko`rinetug`ın individual psixologiyalıq o`zgesheligi qa`biliyetler delinedi. Usı o`zgeshelikti anıqlaw ushın ayırım faktorlardı analiz qılıw aqsetke muwapıq: a) shaxstın` belgili sıpatları jıyındısı belgilengen waqıt aralıg`ında iyelengen xızmeti talaplarına juwap berse, onda usı xızmetke bolg`an qa`biliyet bar eken`ligi; b) insan sonday jag`daylarda xızmet talabına juwap bere almasa – psixologiyalıq sıpatlar, yag`nıy qa`biliyetler joq (ju`da` pa`s). biraq o`zgeelikli shaxs ko`nlikpe ha`m ta`jiriybelerdi iyeley almaydı, degen ma`nini an`latpaydı, biraq olardı iyelew waqtı so`zılıp ketedi. Solay etip, qa`biliyetler individual psixologik o`zgeshelikler bolıwı menen birge: a) olardı shaxslardın` bar basqa o`zgesheliklerine, aqılıy sıptlarına, este saqlaw, ha`rakter pazıyletlerine, emotsional keshinmelerine ha`m basqalarg`a qarama qarsı qoyıw mu`mkin emes; b) sonday aq, qa`biliyetlerdi shaxstın` usı o`zgeshelikleri menen qatarg`a qoyıw, olardı ayniylastırıw da nuqsanlardı keltirip shıg`aradı. 69 Psixologiyada qa`biliyetler individual psixologiyalıq o`zgeshelikler sıpatında ha`rakterlenedi ha`m bunın` tiykarında bir insannın` basqa insannan parıqlanatug`ın qa`siyetleri, pazıyletleri jatadı. Sonın` ushın da ha`r bir shaxstan bir qıylı na`tiyje, bir qıylı sıpat ku`tiw mu`mkin emes, sebebi insanlar o`z qa`biliyetleri boyınsha bir- birewinen belgili da`rejede parıq qıladı, olar ortasında parıqlar sıpat ha`m mug`dar ta`repinen bir talay bolıwı mu`mkin. Qa`biliyetlerdin` sıpat ha`rakteristikası shaxstın` qaysı individual psixologiyalıq o`zgeshelikleri xızmet na`tiyjeliliginin` ma`jbu`riy sha`rti sıpatında xızmet qılıwın an`latadı. Olardın` mug`dar ha`rakteristikası bolsa xızmetke qoyılatug`ın talaplardı shaxs ta`repinen qanday ta`rizde orınlaw imkaniyatı bar eken`ligin bildiredi, yag`nıy usı insan basqa adamlarg`a qarag`anda ta`jiriybeli, bilimlerden qanshelli tez, jen`il, puqta payalana alıwın ko`rsetedi. Qa`biliyet qa`siyetlerinin` sıpat ta`repinen talıqlang`anında birinshiden maqsetke tu`rli jollar arqalı erisiwge imkan beriwshi G`o`zgeriwshen` mug`darG` toplamı sıpatında, ekinshiden, iskerlik na`tiyjeliligin ta`miyinlewshi shaxstın` individual psixologiyalıq qa`siyetleri (paıyletleri) quramalı jıynag`ı ko`rinisinde sa`wlelenedi. Shaxstın` qa`biliyetinde bar bolg`an ornın basıw (kompensatorlıq) imkaniyatı ko`riw ha`m esitiwden ayırılg`an adamlardı arnawlı oqıtıw arqalı payda boladı. Turmısta soqır sazende , artist, shayır, su`wretshi, injener ha`m basqa sol sıyaqlı ka`sip iyeleri jetilisip shıqqanı ko`p ushıraydı. ha`tte esitiw qa`biliyeti to`men yamasa ulıwma joqlıg`ı da ka`siplik-muzıkalıq qa`biliyettin` rawajlanıwına keskin tosıq bolmaslıg`ı mu`mkin. Qa`biliyetlerdin` mug`darlıq ha`rakteristikası ha`m olardı o`lshew mashqalası psixologiya pa`ninde o`zine ta`n rawajlanıwdın` taryxıy o`tmishine iye. ha`zirgi waqıtta pa`nin` klassisk psixologlarg`a aylang`an Spirmen, Permen Kettell ha`m basqalar XIX a`sirdin` aqırları XX a`sirdin` baslarında aq belgili qa`nigelikler ushın ka`sip tan`lawdı ilimiy tiykarda jolg`a qoyıw za`ru`rlginen kelip shıg`atug`ın talaplar tosqınlıg`ında oqıw orınlarında sabaq alıp atırg`an shaxslardın` qa`biliyeti da`rejesin anıqlawg`a kiristi. Olardın` pikirinshe, insannın` lawazımg`a ılayıqlıg`ı, onın` miynet iskerligie uqıplılıg`ı, sonday aq joqarı oqıw orınlarına, a`skeriy xızmetke basshılıq ma`rtebesin iyelewge bolg`an uqıplılıqların anıqlaw imkaniyatı bar. O`tken` a`sirde qa`biliyetlerdi o`lshew usılı o`lshem sıpatında aqılıy qa`biliyet testleri islep shıg`ıldı ha`m AQSh, Ullı Britaniya sıyaqlı ma`mleketlerde oqıwshılardı tan`law, a`skeriw xızmetke a`skerlerdi tan`law, o`ndiriste basshılıq lawazımına usınıwda paydalanıldı. Shaxs iyelewi sha`rt esaplang`an xızmet, ol ya ta`lim, ya miynet, yamasa oyın, ya sport bolıwına qaramastan onın` biliw protsesslerine aqılıy qa`siyetlerine, erkli- emotsional tamanlarına, sensomotor tarawına ha`rakterologiyalıq o`zgesheliklerine belgili talaplar qoyadı ha`m olardın` birgeliktegi is-ha`reketi sebepli na`tiyjelerge erisiledi. Psixologiyalıq mag`lıwmatlarg`a qarag`anda adamdag`ı joqarı ko`rsetkishke 70 erisken` sıpat qa`nshelli u`stemlikke iye bolmasın, ol talaplardı qandırıw imkaniyatın iye bolmaydı. Ayırım jag`daylarda ayırıqsha ko`ringen psixologiyalıq o`zgeshelik (qa`siyet) xızmettin` joqarı o`nimdarlıg`ı ha`m na`tiyjeliligin ta`miyinlew uqıplılıg`ına iye,ol qa`biliyetler orınlay alatug`ın imkaniyat penen teppe-ten` ku`sh quwat sıpatında payda boladı degen gipoteza o`zin aqlamaydı. Sonın` ushın qa`biliyetler quramalı du`ziliske iye bolg`an psixikalıq sıpatlar, qa`siyetler jıynag`ı bolıp esaplanadı. Qa`biliyetler sıpatında ju`zege shıg`atug`ın psixikalıq qa`siyetler jıynag`ının` du`zilisi anıq ha`m ayırım xızmet talabı menen belgilengenligi sebepli ha`r qaysı tu`rdegi xızmetler ushın o`zine ta`n ta`rizde qoyılıwı turg`an ga`p. Anıq qa`biliyetler du`zilisin qa`liplestiriwshi shaxstın` qa`siyetleri, pazıyletleri arasında belgili tarawı jetekshilik , u`stemlik qılsa, ayırımları ja`rdemshilik wazıypasın atqaradı. Belgili bolg`anınday, pedagogikalıq qa`biliyetler sistemasında jetekshi qa`siyetler sıpatında pedagogikalıq a`deplilik (takt), balalardı su`yiw, oqıwshılar ja`ma`a`tin sho`lkemlestiriw ha`m onı basqarıw, baqlawshan`lıq, talapshan`lıq, bilimlerge qızıg`ıwshılıq, bilimlerdi jetkeriwge uqıplılıq ha`m sog`an uqsaslar ta`n alınadı. Oqıtıwshılıq qa`biliyettin` ja`rdemshi (qosımsha) pazıyletlerine to`mendegiler kiredi: artistlik, so`ylew qa`biliyeti, dıqqattı bo`listiriw, akademiyalıq qa`biliyetler ha`m basqalar. Pedagogikalıq qa`biliyetlerdin` jetekshi (tiykarg`ı) ha`m ja`rdemshi (qosımsha) quramları, tarawları, ta`lim protsesi na`tiyjeliligin ta`miyinleytug`ın birilikti (birigiwdi) ju`zege shıg`aradı ha`m oqıtıwshı shaxsı menen baylanıslı bolg`an birgelikli, individual xızmetin sho`lkemlestiredi. Qa`biliyetlerden belgili da`rejede ulıwma ha`m tar ma`nide arnawlı sıpatlardı ajıratıw arqalı belgili taraw sistemasın ju`zege shıg`arıw mu`mkin.Bunnan kelip shıqqan halda qa`biliyetlerdi ulıwma ha`m arnawlı qa`biliyetler sistemasına ajıratıw maqsetke muwapıq.Ulıwma qa`biliyetler (sıpatlar) arnawlı qa`biliyetlerge(sıpatlarg`a) qarsı tu`rde ko`rsetiw mu`mkin emes. Shaxstın` ulıwma qa`biliyetleri olardı payda etiwshi faktorlar anıq psixologiyalıq ha`diyse yamasa barlıq (voqelik) bolıp esaplanadı. Arnawlı qa`biliyetler ko`lemi ta`repinen tarraq bolıwına qaramay teren`irek a`hmiyetti o`zlerinde ja`mlestiredi. Rus alımı P.Pavlov o`z ta`liymatında G`ko`rkemG`, G`pikirlewshiG`, G`ortaG` tiplerge ajıratılg`an shaxslardın` sol u`sh tipten birewine tiyisli eken`ligin ha`rakterlep beredi. Avtor usı tipologiyanı jaratıwda joqarı nerv xızmetinin` birinshi ha`m ekinshi signal sistemasınan ibaratlıg`ı haqqındag`ı ta`liymatına tiykarlanadı. Birinshi signallar sisteması obrazlar, emotsiyalardan ha`m ekinshi signallar sisteması bolsa, obrazlar haqqında so`zler arqalı signal beriwden ibarat. Ekinshi signallar sisteması P.Pavlov ta`repinen G`signallardın` signalıG` dep atag`an edi. Talanttın` ja`miyetlik tariyxıy, ta`biyiy ta`repinen ko`rinisi qa`biliyetler rawajlanıwının` joqarı basqıshı eken`ligin bildiredi. Talant (yunon. G`5alan59nG` - 71 qımbatbahalı, qa`dirli na`rse, genetikalıq, ta`biyg`ıy qa`siyet degen ma`nini an`latadı) belgili xızmettin` na`tiyjeli ha`m do`retiwshi tu`rde orınlanıwın ta`miyinleytug`ın qa`biliyet jıynag`ınan ibarat individual qa`siyet bolıp esaplanadı. Psixologiyalıq a`debiyatlarda og`an ha`r qıylı tu`sinik beriliwine qaramay olarda tiykarg`ı belgiler ko`rsetip o`tiledi. Sonnan, shaxsqa qandayda qıyın miynet xızmetinin` na`tiyjeli, erkin ha`m original tu`rde orınlaw imkanın beretug`ın qa`biliyetler jıyındısına talant delinedi. Talanttın` tiykarg`ı belgileri: a) jetisken`likti ta`miyinlew, b) xızmetti erkin orınlaw, v) originallıq tiykardın` barlıg`ı, g) qa`biliyetler jıyındısınan ibarat eken`ligi, d) individual psixologiyalıq qa`siyetliligi, e)
ja`miyetlik turmıstı o`zgertiwshi, jaratıwshı imkaniyatlılıg`ı sıyaqlılar. Talant ha`m qa`biliyetlerge uqsag`an do`retiwshilikte joqarı sheberlikke, jetisken`likke erisiw imkaniyatı esaplanıp, do`retiwshilik na`tiyjesi (jen`is) insanlardın` ja`miyetlik tariyxıy turmıs ta`rizine baylanıslı. Ja`miyette talantlı shaxslarg`a bolg`an mu`ta`jlik sezilse, bunday insanlardın` kamal tabıwı ushın kerek bolg`an ob`ektiv ha`m sub`ektiv sha`rayatlar jaratılsa, bunday jag`dayda ba`rkamal adamlardın` qa`liplesiwine imkaniyat tuwıladı. 2. Qızıg`ıwshılıq bul adamnın` anaw yamasa mınaw zattı, qubılıstı yamasa xızmetti aktiv tu`rde bilip alıwg`a bag`darlanıwshılıg`ı bolıp, ol usılarg`a unamlı emotsionallıq qatnas jasaw menen baylanısqan. Adamnın` qızıg`ıwshılıg`ı onın` turmısının` ja`miyetlik tariyxıy ha`m dara sha`rayatları menen belgilenedi. Qızıg`ıwshılıqtın` a`hmiyeti ullı – ol bilimdi iyelewge, oy-o`risti ken`eytiwge tu`rtki boladı, mektep oqıwshısın qıyınshılıqlardı ha`m de tosqınlıqlardı jen`e otırıp, teren` tu`rde bilip alıwdın` jolların ha`m usılların aktiv tu`rde izlewge ma`jbu`r etedi. Qızıg`ıwshılıqtı onın` mazmunına ken`ligine, teren`ligine, turaqlılıg`ına ha`m ta`sirshen`ligine qaray sıpatlaydı. Mazmunı jag`ınan qızıg`ıwshılıq o`zi bag`darlang`an ob`ektler menen belgilenedi. Mazmunı jag`ınan ha`r qıylı bolg`an qızıg`ıwshılıqlar olardın` ja`miyetlik a`hmiyeti ko`z qarasınan bahalanadı: birewleri olarda ja`miyetlik ha`m jeke momentler durıs birigip ketken` bolsa unamlı; al ekinshi birewleri o`zinin` tek etek qumarlıqmu`ta`jlerin yamasa iplas qushtarlıg`ın qanaatlandırıw menen baylanıslı bolg`an mayda tiri janlıq qızıg`ıwshılıqlar retinde bahalanadı. Ken` ha`m tar qızıg`ıwshılıqlar da bolıp, ol jeke adamdı jan-jaqlama rawajlandırıw onda tiykarg`ı, oraylıq qızıg`ıwshılıq bolg`an jag`dayda qızıg`ıwılıqlardın` ken` ha`m ha`r ta`repleme bolıwın na`zerde tutadı. Tar qızıg`ıwshılıq degene adamda bir-eki sheklengen ha`m bo`leklengen qızıg`ıwshılıqtın` bolıwı, al qalg`an barlıq na`rsege ol pu`tkilley biypa`rwa qarawı tu`siniledi.
72 Teren` qızıg`ıwshılıq ob`ektiv barlıq mayda shu`ydesine shekem ha`m na`zik, ju`da` puxtalap u`yreniw za`ru`rligi degendi bildiredi. Ol adam qubılıstın` u`stingi jag`ına g`ana kewil awdaratug`ın ha`m ob`ektke haqıyqat qızıqpaytug`ın jag`daydag`ı u`stu`rtin qızıg`ıwshılıqqa qarama-qarsı qoyıladı. Turaqlı qızıg`ıwshılıq, uzaq waqıt saqlanadı, adamnın` turmısında ha`m xızmetinde og`aa a`hmiyetli rol` atqaradı ja`ne onın` jeke kelbetinin` belgili da`rejede bekigen o`zgeshelikleri boladı. Turaqsız qızıg`ıwshılıq, belgili da`rejede qısqa waqıt dawam etedi, tez payda boladı ha`m tez jog`alıp ketedi. Ta`sirshen` qızıg`ıwshılıq dep adamnın` o`mirine ha`m xızmetine teren` ta`sir jasaytug`ın, onı belgili bag`darda sistemalı tu`rde ha`m maqsetli ha`reket etiwge qızıg`ıwshılıg`ın qanaatlandırıw da`reklerin aktiv ha`m initsiativalı tu`rde izlewge iytermeleytug`ın qızıg`ıwshılıqtı ataydı. Mine usınday xızmetke iytermelemeytug`ın uyan` qızıg`ıwshılıq ta boladı. Sonday – aq tuwrı (tikkeley) ha`m qıya (tikkeley emes) qızıg`ıwshılıqlardı ayırıp shıg`aradı. Tikkeley qızıg`ıwshılıq bilimnin` yamasa xızmettin` anaw yamasa mınaw tarawının` mazmunının` o`zinen, onın` qızıqlılıqınan, og`an shın berilgenlikten kelip shıg`adı. Qıya qızıg`ıwshılıq ob`ekttin` mazmunınan emes, al ol adamdı tikkeley qızıqtıratug`ın basqa ob`ekt penen baylanısqan waqıtta iye bolatug`ın a`hmiyetinen kelip shıg`adı. Qıya qızıg`ıwshılıqtı ta`rbiyalaw u`lken` a`hmiyetke iye boladı. Oqıwshı bılayınsha o`zi ushın qızıqlı bolmag`an, biraq onın` za`ru`r eken`in tu`sinetug`ın xızmetti de puxta, juwapkershilik penen ha`m shın berilip orınlawına erisiw lazım.
Download 0.83 Mb. Do'stlaringiz bilan baham: |
ma'muriyatiga murojaat qiling