Ministry of education and science of the republic of kazakhstan

Key words: updated content of education, innovations, pedagogical innovation, 
innovative pedagogical experience, innovative activity. 
Мектепте білім беруді дамытудың заманауи кезеңі оны жаңғыртудың және жалпы 
білім беру сапасын арттырудың жаңа жолдары мен тәсілдерін іздеумен сипатталады. 
Уақыт сынақтарымен қазіргі мұғалімнің педагогикалық қызметіне қойылатын талаптар 
анықталады. 
2017 жылғы 8 маусымдағы бастап мұғалімнің кәсіби стандарты күшіне енді, онда 
қоғамда мұғалім мамандығына қойылатын талаптарға жауап беретін педагогикалық 
қызметкердің біліктілігі сипатталған. «Педагог мамандығының күрделілік дәрежесі 
көрсетілген, педагог еңбегінің күрделілігі оның «адам-адам» мамандығымен 
байланысты. Педагогикалық қызмет – бұл адамның бір-біріне ықпалы емес, олардың 
өзара әрекеттесуі. Сондықтан, педагог қызметінің объектісі педагогикалық үдеріс болып 
саналады, ал білім алушы ықпал жасау объектісінен қызмет субъектісіне ауысады» - 
делінген. [1, 2б.] Стандарт кіріспесінде «қарқынды өзгермелі әлемде басты кәсіби сапа 
ол -педагог өз оқушыларына үнемі көрсетуі керек оқу қабілеті деп көрсетілген. 
Өзгерістерге дайындық, ұтқырлық, стандартты емес іс-қимылдарға қабілеттілік, шешім 
қабылдауда жауапкершілік және дербестік-табыстылық осы қызметінің барлық 
сипаттамалары педагогқа да толық қатысты. Бір жағынан, стандарт педагогтың қызметін 
регламенттейді, есеп пен бақылаудың қатаң механизмдерін енгізеді, екінші жағынан, 
педагогикалық шығармашылықты ынталандырады, сонымен қатар, педагогтың кәсіби 
біліктілігіне жоғары талаптар қояды.
Қазақстан Республикасында білім беруді дамытудың 2011-2020 жылдарға 
арналған мемлекеттік бағдарламасында адами капиталды дамыту білім берудің бәсекеге 
қабілеттілігін арттырудың жүйе құраушы факторларының бірі ретінде қарастырылады 
[2]. 
Осылайша, жаңғырту мен жаңарту - бұл қазақстандық социум үшін сөзсіз 
процестер. Әлем үлкен жылдамдықпен дамып, ғылым мен техниканың, ақпараттық 
кеңістіктің даму динамикасына негізделген. Білім мазмұнын жаңарту – білім беру 
бағдарламасының құрылымы мен мазмұнын, оқыту мен тәрбиелеудің әдістері мен 
тәсілдерін қайта қарастыру болып табылады. Ұлттық және жалпы адамзаттық 
құндылықтарды бойына сіңірген, кез келген өмірлік жағдайда функционалдық 
сауаттылығы мен бәсекеге қабілеттілігін көрсете білетін тұлғаның үйлесімді 
қалыптасуына және зияткерлік дамуына қолайлы білім беру ортасын тудыру – 
жаңартылған білім мазмұнын енгізудің нәтижесі болуы керек. 
Қазақстандық мұғалімдері осындай уақыт сынақтарына дайын ба? «Жергілікті 
жерлерде» педагог кадрлардың жаңаша жұмыс істеу дайындығы туралы мәселе қалай 
шешілуде? 
«Педагогтің жаңа кәсіби стандарты», «Жаңартылған білім беру мазмұны» 
мұғалімге не әкеледі? 

---

28
Materials of the international scientific-practical conference