ЧЕТ ТИЛИ ЎҚИТУВЧИЛАРИ УЧУН ЯРАТИЛГАН ДТМ ТЕСТ ТИЗИМИ, ТУЗИЛИШИ, ШАРТЛАРИ
Давомийлиги: 80 мин
Chet tili o‘qituvchilarini testga tayyorlash
Chet tillar o‘qituvchilarining bazaviy lavozim maoshlariga oylik
ustama belgilash uchun test sinovi
Test sinovi besh bo‘limdan iborat: tinglab tushunish, o‘qish, leksik va grammatik kompetensiyalar, yozish, gapirish.
Har bir bo‘limda maksimal bal - 30 bal. Jami maksimal bal - 150 bal.
Testdan muvaffaqiyatli o‘tish uchun har bir bo‘limdan kamida 50% va jami bo‘lib kamida 60% yig‘ish kerak.
Testda qatnashish ixtiyoriydir.
Ish beruvchi o‘qituvchini testda qatnashishga majburlashga, test sinovida qatnashmasligi yoki undan o‘ta olmagani uchun o‘qituvchiga nisbatan intizomiy choralar ko‘rishga yoki mehnat shartnomasini bekor qilishga haqli emas.
“TINGLAB TUSHUNISH” BO‘LIMI
5 qism / 30 savol / 35 daqiqa
Bo‘limni bajarish bo‘yicha umumiy tavsiyalar:
- Har bir matn ikki marta eshittiriladi.
- Matn eshittirilishidan oldin savollar bilan tanishib chiqish uchun vaqt beriladi.
- Berilgan vaqt ichida savollarni ko‘z yugurtirib ko‘rib chiqishga va kalit so‘zlarning tagiga chizishga harakat qiling.
- Matnda har bir so‘zni tushunishga harakat qilmang. So‘ralayotgan ma’lumotga
diqqatingizni jamlang.
1 – qism (1-5 savollar)
Tekshiriladigan ko‘nikmalar: umumiy ma’noni tushunish.
Savol turi: moslashtirish.
Ushbu qismda Siz bir necha kishilarning o‘zlari haqida gapirganini eshitasiz.
Vazifa: test kitobida berilgan gaplarni so‘zlovchilar bilan moslashtirish.
Diqqat: bitta gap ortiqcha.
Eshitishdan oldin:
1. Berilgan gaplarni tez ko‘z yugurtirib o‘qib chiqing.
2. Berilgan gaplarni qaysi mavzu birlashtirishini aniqlang (masalan: sport, kelajak va h.k.)
Do'stlaringiz bilan baham: |
