Модел ва алгоритм тушунчаси

begin
<дастур танаси>;
end.

Дастур танасида ўзгарувчиларга қиймат бериш уларнинг турига қараб қийматлар киритиш, натижаларни олиш ва бошқа бир қатор операторлар ишлатилади.

2. Ўзлаштириш оператори
Ўзлаштириш операторида ўзгарувчидан сўнг «:=» белгиси ёзилади.
Бичими: x:=a; бунда x – ўзгарувчи номи (индентификатор), а – арифметик ифода, хусусий ҳолда сон.
Масалан, x:=4.52; y:=62; s:=x+y; sum:=sqr(x)+2.


3. Ўқиш (киритиш) процедураси.
Клавиатурадан киритилган маълумотларни ўзгарувчиларга ўзлаштирилиши учун read  ўқиш оператори ишлатилади. Бичими: read(x₁, x₂,…,x_k); бунда read (ўқиш) –процедура номи, x₁, x₂,…,x_k — ўзгарувчилар рўйхати, қавс ичидаги ўзгарувчилар иҳтиёрий сонда бўлиб, улар бир–биридан вергул орқали ажратиб ёзилади.
Масалан, read(x); read(a,b,c).
Киритилаётган ўзгарувчилар қиймати алоҳида сатрларга ёзилиши керак бўлса оператор номига ln қўшимчаси қўшиб ёзилади. Масалан, readln(x,y).


4. Чиқариш (ёзиш) процедураси.
Бичими: write(s₁, s₂, …, s_n); бунда write процедура номи, s₁, s₂, …, s_n лар ойнага чиқарилиши керак бўлган ўзгарувчилар ёки арифметик ифодалар рўйхати. Ўзгарувчилар бир–бирдан вергул ёрдамида ажратилади.
Бу процедура ёрдамида бирор матн кўринишидаги ахборотни ойнага чиқарилиши керак бўлса, у апостроф белгиси ичига ёзилиши талаб қилинади. Натижа алохида кейинги сатрдан бошлаб чиқарилиши зарур бўлса, оператор охирига ln қўшимчаси ёзилади, яъни чиқариш процедурасини writeln кўринишида ёзиш лозим.
Масалан, writeln('Yuza S=', S);

Ўзгарувчилар ва уларнинг типларини аниқлашда var операторидан фойдаланилади. Бичими:

var a₁[,a₂[,…]]:T₁; b₁[,b₂[,…]]:T₂; ... ; z₁[,z₂[,…]]:T_n
Бунда a₁,a₂, …, b₁,b₂,…, z₁,z₂ ... лар ўзгарувчиларнинг номи. Кўриниб турибдики, бир хил типдаги ўзгарувчиларни бир-биридан вергул билан ажратиб ёзиш мумкин. T₁, T₂,…,T_n лар ўзгарувчилар турлари.
Масалан,
var i,j,k: integer; {i, j, k – ўзгарувчилар бутун типли катталиклар}
x,y,z: real; {x, y, z – ўзгарувчилар ҳақиқий типли катталиклар}
s: char; {s – узунлиги битта белгидан иборат белгили катталик}
Мисол 1. Трапециянинг юзини S=(a+b)/2h формула билан ҳисоблаш дастури тузилсин.