Муаммоларсиз ҳаёт БЎлмайди(МИ?) Мухлиса Акмал қизи

МУАММОНИ ҲАЛ ҚИЛИШ 
БЎЙИЧА АЙРИМ ТАВСИЯЛАР
www.ziyouz.com kutubxonasi

---

57
Иш самарадорлигини ошириш бўйича тавсия
Қайси соҳада фаолият юритишингиздан қатъи назар, қу-
йидаги маслаҳатлар ишингизнинг самарали бўлишига ёр-
дам бериши мумкин.
Уйқуни яхши кўрадиганларни қувонтирадиган факт 
– ишда қанчалик фаол бўлиш тўйиб ухлаш билан боғлиқ. 
Тиниқиб ухлагандан кейин организм кучга тўлади ва ўз ва-
зифасини меъёрида бажаради. Сийқаси чиқиб кетган бўлса 
ҳам, муҳимлиги учун яна бир бор такрорлаймиз – 7 соатдан 
кам ухламанг ва соат 22:00 га қадар ётишга ҳаракат қилинг.
Қилиниши керак бўлган муҳим ишларни куннинг ик-
кинчи ярмига қолдирманг. Уларни куннинг биринчи яр-
мида, кечи билан соат 12:00 га қадар ҳал қилинг. Албатта, 
тушликдан кейин ҳам амалга оширишингиз мумкин, фақат 
бунда одатдагидан кўра кўпроқ вақт ва энергия сарфла-
шингизга тўғри келади.
Эрталабдан кечгача курсидан қўзғалмай ишлаш руҳия-
тингизга салбий таъсир кўрсатади. Уйқуга эрта ётиб, тонгда 
барвақт уйғонинг, тўйимли нонушта қилиб, уч соат давоми-
да ишингизни бажаринг, маълум вақтдан сўнг тоза ҳаво ол-
гани ташқарига чиқинг, қаҳва ичинг, танаффус қилиб бўл-
гач, тушликкача яна ишланг. Ўзингизни ортиқча уринтир-
маганлигингиз учун ҳам ишни тез ва сифатли битирасиз.
Сиз истеъмол қилаётган таомингиздан қувват олишин-
гиз керак, бунинг акси бўлса, демак, овқатланишда қандай-
дир хатога йўл қўйяпсиз. Овқатланишда мавсумни, ҳаро-
www.ziyouz.com kutubxonasi

---

58
ратни ҳам инобатга олинг. Витаминларга бой мева ва саб-
завотлардан кўпроқ енг. Шоколад, кофе билан ўзингизни 
меҳмон қилиб туринг, лекин меъёрни унутманг.
Иш ҳеч қачон тугамайди, тиниқиб дам олган бўлсангиз, 
ишингизда самара бўлади. Қувватингиз тугагунича ўзин-
гизни зўриқтириб ишласангиз, мия сизга қулоқ солмасдан 
ўзича ечимлар топади. Бунда на ишингизда унум бўлади, на 
соғлиғингизда. Тинимсиз ишлаган миянинг дам олишига 
ҳам шароит яратиб бериш керак. Бунинг учун йўқ деганда 
ҳафтанинг бир кунини ўзингиз учун ажратинг – ўз қўлингиз 
билан севимли таомингизни тайёрланг, мевалардан шарбат 
тайёрлаб, севимли инсонингиз билан биргаликда фильм то-
моша қилинг, телефон ва интернетни унутиб, оилангиз ёки 
дўстларингиз билан табиат қўйнига сайр уюштиринг. Иш-
лаш, пул топиш керак деб ҳаётингизнинг, умрингизнинг энг 
гўзал чоғларини ўтказиб юборманг.