Marshansiyakabilar - Marchantidae sinfcha (ajdodcha)si. Bu sinfchaga yer bag‘irlab o‘sib, dixotomik ravishda shoxlanadigan va dorzovental tuzilishga ega bolgan, ya’ni ustki tomoni pastki tomonidan farq qiladigan yo‘sinlar kiradi. Tallomlarining yuqori tomonida bir qancha havo kameralari bor, pastki tomoni esa qorin tangachalari (amfigastriyalar) va ikki xil: oddiy hamda tilsimon rizoidlar bilan qoplangan bo‘ladi. Anteridiy bilan arxegoniylar bir-biridan alohida bo‘lib, to‘g‘ridan-to‘g‘ri tallom ustida yoki alohida bandlar (tagliklar)da turadi..
Yungermaniyakabilar - Jungermanniidae sinfcha (ajdodcha)si. Yer yuzida sinfchaning 500 dan ortiq turi bor. Ko‘pchiligi tropik va subtropik zonalarda tarqalgan, ayrim vakillari epifit holda yashaydi. Tuban vakillariga pelliya - Pellia epiphylla, yuqori darajali poyabargli vakillariga xilostsifus – Chiloscyphus polyanthus misol bo’ladi. Bularda anteridiylar tallomning o‘rta qismida, arxegoniylar tallomning o‘sish nuqtasidan pastroqda to‘p-to‘p bolib joylashgan. Anteridiy va arxegoniylari marshansiyaga o‘xshab yomg’ir yog‘ganda yoki ko‘p shudring tushganda ochiladi va otalanadi.
Do'stlaringiz bilan baham: |