Muqimiy nomidagi Qo’qon Davlat Pedagogika Instituti Pedagogika fakulteti

3. Ishbilarmonlik, ishchanlik, uddaburonlik

xislatlari: Quntlilik, tirishqoqlik, serhafsalalik – kasb egallash, mohir mutaxassis bo’lish uchun juda zarur xislat. Faoliyat hafsala bilan bajarilsa, mutaxassis quntli bo’lsagina mehnat unumdorligining yuqori cho’qqilariga erishish mumkin. Yaponiya umumta’lim makablarida maxsus qunt darslari kiritilgan. O’quvchilar uzoq vaqt davomida juda mayda qo’l mehnati bilan shug’ullanishib o’zlarida hafsalalik, quntlilik malakalarini shakllantirishadi.

Javobgarlik, mas’uliyatlilik – so’z bergandan keyin bajarishlik, ishga, o’qishga mas’uliyat hissi bilan yondoshish hissi.

Halollik, poklik – tadbirkorlik ishlarida halollik, poklik asosiy xislatlardan bo’lib, bo’lg’usi tadbirning muvaffaqiyatli yakuniga ko’p jihatdan bog’liq. Sharq biznesmenlarining xulosalariga qaraganda har bir yangi tadbir boshlanishi oldidan tadbirkor o’zi poklanib, halol ish yuritsa bu tadbirning albatta ijobiy bo’lishi ta’minlangan bo’ladi.

Urinchoqlik, serharakatlilik, tirishqoqlik – tadbirni amalga oshirishda birgina halollikning o’zi yetarli emas. Buning uchun shaxsning tirishib, urinib harakat qilishi, doimo harakatda bo’lishi lozim bo’ladi.

Musobaqaviylik, raqobatlilik, muqobillik – hozirgi bozor munosabatlariga o’tishda raqobatlilik, bir ishni tezroq, oldinroq bajarishga shoshilish muvaffaqiyat keltiradi. Musobaqaviylik o’quv jarayonida ham o’quv jarayonini aktivlashtirish omili hisoblanadi. Faol talabalarni rag’batlantirish, yuqori, tez o’zlashtiruvchilarni eksternat dasturlariga o’tkazish astoydillikni ta’minlaydi.

Ijro etuvchanlik, ishchanlik, bajaruvchanlik – ishlab chiqarish ishini, o’quv ishini vaqtida bajarish shaxsni intizomlilikka, tartibga o’rgatadi, xotirani mustahkamlaydi, turli salbiy oqibatlarning oldi olinadi.

Zo’r beruvchanlik, kuchanuvchanlik – har bir tartibda shunday damlar uchraydiki harakat qilinib urinish yetarli bo’lmay qoladi. Hamma fikrni, kuchni ishlatib zo’r berishga to’g’ri keladi.

Malakalilik, salohiyatlilik – malakalilik faqat bilimlar bilan o’lchanmaydi. Malakalilik orttirilgan bilimlarni ko’nikmalarga, malakaga aylantirilsagina mutaxassis yuqori malakali hisoblanadi, mehnati yuqori baholanadi, mahsulotini doimo ijodiy yangiliklar bilan boyitib boradi.

Sifatlilik, yuqori navlilik – mahsulotni, tayyorlangan mutaxassislarning yuqori sifatliliga bozor iqtisodiyoti sharoitida hamma tabaqalarda muhim ahamiyat kasb etadi.

Ishni do’ndirishlilik, ishni o’rniga qo’yuvchanlik, ishni o’rinlatmoqlik – shaxsning ko’p yillik qunt bilan olib borgan harakatlari natijasida topshirilgan ishni tez, unumli bajarish ko’nikmasini egallashi.

Chaqqonlik, abjirlik, epchillik – shaxsning topshirilgan ishni ko’p mehnat, kuch sarflamasdan ustalik bilan bajarish ko’nikmasini egallashi.

Saranjom-sarishtalik, jo-bajo ish tutish, batartiblik – shaxsning kiyinishida, ish tutishda, muomalasida, odobida namoyon bo’ladigan batartiblik ko’nikmalari.

Ishning havasini olganlik, ishning hadisini olganlik – shaxsning avtomat malakalarni shakllantirishi. Ko’p o’ylamay ishni malakali bajarish ko’nikmasi.

Ishga layoqatlilik, hormas-tolmaslik, imkonlilik – shaxsning uzoq muddat talab etilgan darajaga ishga layoqatliligini saqlab qola olishlilik ko’nikmasi. Layoqatli xizmatchi ish kunining boshida ham, oxirida ham bir xilda unumli, ham sifatli mehnat qila oladi.

Tashabbuskorlik, tadbirkorlik, ishbilarmonlik – shaxsning hali ochilmagan yo’ldan turli usullar, imkoniyatlar topib olg’a yura olishi, yangilikni, tashabbuskorlikni qo’lga olib atrofdagilarni shu ishga safarbar qila olish ko’nikmasi.

Aqlga, maqsadga muvofiqlik, ma’qullik, ixtirochilik – rasional shaxs ishni bajarish uchun kerakli a’zolarinigina jalb qila olish ko’nikmasiga ega bo’ladi, kam mehnat qilib ko’p mahsulot oladi, kam kuch sarflab ko’p samara oladi.

Chidamlilik, sabr-toqatlilik, bardoshlik, toqatlilik, baquvvatlik – shaxsning uzoq vaqt katta kuchlanish talab qiladigan faoliyatda qatnasha olish ko’nikmasi.

Muntazamlilik, rejalilik – shaxsning rejali ish tutish ko’nikmasi. Buyuk

Napoleon “faoliyatda, harakatlarda faqat oldindan rejalashtirilgan narsagagina erishish mumkin, hyech qanday tasodif natija bermaydi” degan.

Juda aniqlik, o’z vaqtida bo’lishlik, puxtalik – tadbirkorlikda ko’p narsa aniq vaqt bilan o’lchanadi, “vaqting ketdi naqding ketdi” – xalqimizda shunday naql bor.

Tejamkorlik, ehtiyotkorlik, mo’tadillik – shaxsning tejamli ish yuritishi, ishning kirimidan chiqimini kam qilib yuritish, doimo zahirada biron qism mulkni saqlashi, evida ish yuritish ko’nikmalari.

Hadisi sharifda, har bir ishning salbiy tomonlarini hisobga olish ayni ehtiyotkorlikdir, deyiladi.

Sahiylik, ochiq qo’llik, hotamtoylik, jo’mardlik – tadbirkor shaxs sahiy ham bo’lishi, hotamtoylik ko’nikmalari sohibi bo’lishi kerak.