Musobaqalarni tashkillash va o'tkazish usullari reja

To‘p tashlashni bajarishga umumiy tavsiyalar: To‘p otishni bajarishdan avval to‘p o‘yinchining qo‘lida bo‘lishi kerak. Barcha o‘yinchilar to‘p otishda o‘zlariga taalluqli joyda joylashishlari shart. To‘p otayotgan o‘yinchining qo‘lidan to‘p chiqarilishga qadar o‘yinchilar o‘z joylarida bo‘lishi lozim. Noto‘g‘ri joylashgan dastlabki holat hakamlar tomonidan tuzatilishi lozim. Darvozabondan tashqari barcha to‘p tashlashni bajaruvchi o‘yinchilarning bir oyog‘i doimo yerda bo‘lishi shart Ikkinchi oyog‘ini yerdan ko‘tarib va uni yerga qo‘yishi mumkin.
O‘yin davom etishga hakam tomonidan hushtak beriladi: doimo dastlabki yoki 7 metrli to‘p tashlashda; yon chiziqdan, darvozadan yoki erkin to‘p qo‘yidagi holatlarda: taym-autdan so‘ng o‘yinni davom etish uchun; erkin to‘p tashlashdan so‘ng o‘yinni davom etish uchun; to‘p tashlash kechiqtirilsa; noto‘g‘ri holatda joylashishni tuzatgandan so‘ng; og‘zaki tanbex yoki ogohlantirilishdan so‘ng.
To‘p tashlashni bajaruvchi o‘yinchi hakam hushtagidan so‘ng to‘pni 3 soniya mobaynida o‘yinga kiritishi shart. To‘p tashlashni bajaruvchi o‘yinchi qo‘lidan to‘p chiqsa to‘p tashlash bajarilgan hisoblanadi. To‘p tashlashni bajarishda o‘yinchi o‘z sheriklariga qo‘ldan-qo‘lga to‘pni uzatish mumkin emas, sheriklari umuman to‘pga tegishga xuquqi yo‘q. To‘p tashlashni bajaruvchi o‘yinchi to‘p tashlangandan so‘ng u boshqa o‘yinchiga yoki darvozaga tegmasdan avval to‘pga tegishi mumkin emas.
Dastlabki yon chiziqdan yoki erkin to‘p tashlashda himoyachi jamoa o‘yinchilari noto‘g‘ri joylashganligi tufayli hujum o‘yinchilariga noqulaylik keltirmasa, u holda hakamlar himoyachilarning noto‘g‘ri joylashishni to‘g‘irlashi shart emas. Agar bunday holatdan himoyachi jamoa ustunlikka ega bo‘lsa, o‘yinchilarning joylashishi to‘g‘rilanadi.
Agar himoyadagi jamoa o‘yinchilarining birortasi noto‘g‘ri joylashishiga qaramasdan hakam to‘p tashlashni bajarishga hushtak bersa, u holda o‘yinchilar o‘yinni davom etishga to‘la xuquqlidir. To‘p tashlashni bajarayotgan o‘yinchiga raqiblar, yakin turib unga to‘p tashlashni bajarishga xalaqit qilib, to‘p tashlashni kechiqtirilsa yoki boshqa xatolarga yo‘l kuysa u ogohlantiriladi. Bu holat yana qaytarilsa u o‘yindan chetlashilishi shart.