Namangan davlat universiteti rektori S. Turg‘unov Namangan davlat universitetining sharaf kodeksi

2. Universitet jamoasining asosiy ma’naviy-axloqiy majburiyatlari:
2.1. Jamoa a’zolari o‘zining inson - jamiyat - davlat – universitet oldidagi mas’uliyatini to‘laqonli anglagan holda quyidagi majburiyatlarni bajaradi:

• 
  halollik, fidoiylik, vatanparvarlik, mehnatsevarlik, kamtarinlik, madaniyatlilik fazilatlarini universitet nufuzi va taraqqiyoti yo‘lida safarbar qilish;
  
• 
  universitet tarixini va intellektual salohiyatini hurmat qilish, uning ilg‘or ilmiy-ma’rifiy an’analarini rivojlantirish;
  
• 
  universitet moddiy-ma’naviy mulkini asrash, himoya qilish, ulardan oqilona foydalanish;
  
• 
  har qanday shakl-mazmundagi diniy va irqiy kamsitilishlarga yo‘l qo‘ymaslik, mahalliychilik va zo‘ravonlik ko‘rinishidagi xatti-harakatlarni amalga oshirmaslik, jamoa a’zosining obro‘si, sha’ni, nafsoniyati, qadr-qimmatini poymol qilmaslik;
  
• 
  yoshi, jinsi, millati, irqi, etnik guruhi, ijtimoiy holati, oilasining ahvoli, ilmiy salohiyati va yashayotgan hududidan qatiy nazar jamoa a’zolari bilan do‘stona munosabatlarni yo‘lga qo‘yish;
  
• 
  sog‘lom turmush tarziga amal qilish, atrof-muhit muhofazasi, umumjamoa salomatligini himoya qilish hamda sport-sog‘lomlashtirish ishlarida faol ishtirok etish;
  
• 
  jamoa a’zolarining badiiy-estetik tafakkurini yuksaltirish, madaniy-ma’rifiy dunyoqarashini rivojlantirish, turli ko‘rinishdagi illatlarning oldini olishga qaratilgan tadbirlarni tashkil etish va o‘tkazish ishlariga amaliy yordam berish;
  
• 
  universitet sha’niga zid bo‘lgan xabar va ma’lumotlarga nisbatan asoslantiruvchi hujjatlar, dalillangan ma’lumotlar asosida o‘zining shaxsiy munosabatini, fikr-mulohazalarini, taklif-tavsiyalarini bildirish.
  

2.2. Jamoa a’zolari o‘zining universitetda fan-ta’lim va o‘quv jarayoni oldidagi mas’uliyatini to‘laqonli anglagan holda quyidagi majburiyatlarni bajaradi:

• 
  darsni muqaddas deb bilish, o‘quv auditoriyasi, o‘quv laboratoriyasi va tinglovchilarni hurmat qilish;
  
• 
  vaqt menejmentiga rioya qilgan holda sifatli ta’limni ta’minlash;
  
• 
  korrupsiya, ta’magirlik, loqaydlik, mas’uliyatsizlik, beparvolik, zo‘ravonlik, manmanlik kabi illatlarni hamda universitet ma’naviy muhitiga salbiy ta’sir ko‘rsatuvchi g‘ayriaxloqiy xatti-harakatlarni amalga oshirmaslik;
  
• 
  kasb etikasiga rioya etish, pedagog odobiga amal qilish, intellektual kamtarinlik asosida milliy va umuminsoniy qadriyatlarga asoslanib jamoa manfaatlarini e’zozlash;
  
• 
  ta’limning samarali va ta’sirchan vositalaridan keng foydalangan holda o‘quv jarayonini tashkil etish va o‘tkazish;
  
• 
  pedagogik ta’limning nufuzini oshirish orqali Yangi O‘zbekistonda ma’rifatli jamiyatni rivojlantirishga munosib xissa qo‘shish;
  
• 
  ta’lim va o‘quv jarayoninini tashkil etish hamda amalga oshirishga ustoz-shogird an’alarining insonparvarlik, bag‘rikenglik va halollik mezonlari asosida yondoshish;
  
• 
  talaba va o‘qituvchi o‘rtasidagi sog‘lom ta’lim raqobat muhitini yaratish hamda o‘zaro hurmat tuyg‘ularini qaror toptirish;
  
• 
  talaba va o‘qituvchi munosabatlarida kamsitish, haqorat qilish, zo‘ravonlik ko‘rsatish, ruhiy bosim o‘tkazish va tahdid qilishning har qanday ko‘rinishiga yo‘l qo‘ymaslik;
  
• 
  kasbiy majburiyatini bajarishda ziyolilik, mas’uliyatlilik, intizomlilik sifatlarini namoyon qilish.
  

2.3. Jamoa a’zolari o‘zining universitetda ilmiy faoliyatini amalga oshirish mas’uliyatini to‘laqonli anglagan holda quyidagi majburiyatlarni bajaradi:

• 
  ilmni, ilm oluvchini, ilm beruvchini va ilmiy jamoani e’tirof etish, ularga so‘zi va ishi orqali yuksak ziyolilik asosida hurmat ko‘rsatish;
  
• 
  ilmiy tadqiqotchining faoliyatiga turli ta’magirlik, g‘arazgo‘ylik, qaysarlik va shaxsiy xarakterini namoyon qilish orqali noqonuniy va g‘ayriaxloqiy to‘siqlarni paydo qilmaslik;
  
• 
  ilmiy tadqiqotni shakllantirish, rivojlantirish va qo‘llab-quvvatlash ishlariga yuksak insoniy fazilatlar bilan yondoshish;
  
• 
  ilmiy salohiyati, boy ilmiy dunyoqarashi, intellektual hayotiy tajribasini jamoaga yetkazish;
  
• 
  talabalarni salohiyatli olimlar, yetakchi mutaxassislar, ilmiy izlanuvchilar bilan ilmiy-ijodiy uchrashuv, ochiq muloqotlarni tashkil etish, mutaxassislik va ixtisoslik yo‘nalishiga tegishli olimlarning ilmiy tadqiqot ishlari bilan yaqindan tanishtirish;
  
• 
  samarali ilmiy faoliyati bilan Yangi O‘zbekiston ilm-fani taraqqiyotiga munosib xissa qo‘shish;
  
• 
  konfedensialligi ta’minlanmagan norasmiy ma’lumotlarni tarqatmaslik, g‘ayriilmiy g‘oyalar, ta’limotlarni targ‘ib qilmaslik.
  
• 
  yuksak ziyolilik va madaniyatlilik fazilatlarini namoyon qilish va o‘rnak bo‘lish.