|
I Bob buyicha hulosa
Bola tarbiyasida uning o’qib ulg’ayib kamolga yetishida ko’proq ota-onalar mas`ul hisoblanishadi. Maktab o’quvchilari darsdan so’ng ota-onalari nazoratida bo’ladilar, ota-onalar esa farzandlarini tarbiyasi va o’qishiga yaqindan yordam beradilar. Afsuski aksariyat ota-onalar bolaga nisbatan kuchli avtoritar munosabatda bo’lishadi. Bolalaridan ayrim hollarda so’zsiz itoat etishlarini, qatiy intizomga rioya qilishlarini talab qiladilar. Kattalarning bunday xohish irodasi har doim ham tarbiyaviy jihatdan foyda keltiravermaydi. Ota-ona nazoratining yuqori bo’lishi farzand tuyg’ularini paymol etish emas, balki ularni hulqi, xatti-xarakati, atrofdagilar, tengdoshlari munosabatidagi o’zgarishlarga qaratilgan bo’lishi maqsadga muvofiqdir. Qachonki ota-ona bolani tushunishga, uni to’g’ri idrok etishga, undagi kamchiliklarni tuzatishga harakat qilsa, bolasiga ishonch ko’zi bilan qaraydi. Buning uchun ota- onalarimizda psixologik va pedagogik bilimlar shakllangan bo’lishi lozim.
Do'stlaringiz bilan baham: |
