Natural son tushunchasi. Sonlarning ekub I va ekuk I. Sonlarning bo’linish belgilari

Natural sonlar to’plamini kengaytirish.

Bu mavzuni tushuntirish jarayonida o’qituvchi o’quvchilarga koordinata nurining har bir nuqtasiga bittadan natural son mos kelmasligini, ya’ni koordinata nuridagi nuqtalar to’plamini ortib qolishini ko’rgazmali asosda tushuntirishi lozimdir. Bu mulohazaga ko’ra natural sonlar to’plamini yanada kengaytirish va natijada yangi sonlar to’plamini hosil qilish ehtiyoji zarur ekanligini o’qituvchi yana bir marta o’quvchilarga tushuntirishi lozim. Bundan tashqari o’qituvchi natural sonlar to’plamida har doim qo’shish va ko’paytirish amallarini bajarish mumkin, ammo ayirish va bo’lish amallarini har doim ham bajarish mumkin emasligini misollar yordamida ko’rsatish kerak.

Masalan, 5 + 3 = 8, 2  7 = 14. Bu erda hosil qilingan 8 yig’indi va ko’paytma 14 sonlar natural sonlar to’plamida mavjuddir, ammo 3 - 5 ayirmada chiqadigan - 2 soni natural sonlar to’plamida mavjud emas, bu natural sonlar to’plamida har doim ham ayirish amalini bajarish mumkin emas degan so’zdir. Umuman olganda natural sonlar to’plamida X + M = P ko’rinishdagi tenglama P=M bo’lgan holda yechimga ega emas. X+M=P tenglama yechimi X = P – M P  M bo’lganda ham o’rinli bo’lishi uchun 0 soni va barcha butun manfiy sonlar to’plami degan tushuncha kerakdir, shuning uchun ham natural sonlar to’plamini kengaytirish orqali boshqa yangi sonlar to’plamini hosil qilish g’oyasi kelib chiqadi.