Shig’armashilig’i: - A`jiniyaz tvorchestvosin izertlew 1930-jillari baslandi. A`jiniyaz shig`armalari 1949, 1960, 1965, 1975-jillari qaraqalpaq tilinde, 1962-jili o`zbek tilinde, 1975-jili rus tilinde jariq ko`rdi. A`jiniyaz shig`armalarin izertlewdin` 1960-jillardag`i jan`aliqlarinin` biri onin` qoljazbalarinin` ko`plep tabiliwi edi. K.Bayniyazovtin` «A`jiniyaz shayir haqqinda oylar», X.Xamidovtin` «A`jiniyaz poeziyasinin` derekleri», A.Karimovtin` «A`jiniyaz ko`rkem so`z sheberi», K.Sultanovtin` «Jasliqtin` ashig`i», A`.Pirnazarovtin` «A`jiniyazdin` so`z ustalig`i haqqinda geypara oylar», A.Murtazaevtin` «A`jiniyaz Qosibay ulinin` a`debiy metodi ha`m stil`lik o`zgeshelikleri» dep atalg`an ayirim izertlew jumislarin atap o`tsek boladi. A`jiniyaz shig`armalarin xaliq tariyxi menen salistirmali izertlew akademik S.Kamalovtin` «A`jiniyaz shig`armalarindag`i tariyxiy etnografiyaliq mag`liwmatlar», B.Ismaylovtin` «1858-1859-jillardag`i Qon`irat ko`terilisinin` A`jiniyaz tvorchestvosinda sa`wleleniwi» dep atalg`an maqalalarinda o`z bag`darin tapti. A`jinnyaz do`retiwshiligin arnawli izertlegen K.Bayniyazov. Ol A`jiniyaz haqqinda ilimiy ocherk jazip, 1977-jili «Qosiqtin` ku`shi» degen at penen baspadan shig`ardi. A`jinnyazdan bizge ha`r qiyli temada jazilg`an 150ge jaqin qosiqlari miyras bolip qalg`an. Ol lirik shayir sipatinda ko`zge tu`sti.
Do'stlaringiz bilan baham: |
