Нерв системасининг физиологияси ва олий нерв фаолиятининг ёш хусусиятлари

Ўрта мия. Ўрта мия 4 тепалик пластинкаси ва мия оёқчаларидан ташкил топган. Бундан ташқари кўз соққасини ҳаракатга келтирувчи 4 жуфт ғалтаксимон нервнинг ядролари бор. Янги туғилган болада кўз қорачиги рефлекси яхши ривожланган бўлади. Боланинг ёши ортиши билан танани маконда тутиб туриш рефлекси ҳам яхши ривожланиб боради. Янги туғилган болада ўрта миянинг вазни 2,5 г.
Оралиқ мия. Оралиқ мия ўрта миянинг юқорисида жойлашган. У ердаги нерв марказлари тер ажралиши, иссикликни бошқариш ва утлеводлар алмашинувига таъсир этади. Янги туғилган болада таъм билиш, хид билиш, харорат ва оғриқ тааьсуротларига, аччиқ, нордон, шўр, ширинликка реакциялар вужудга келади. Кўриш бўртиқлари шикастланганда, кўз бутунлай ёки қисман кўрмайди, бош оғрийди, фалажлик содир бўлади уйқу бузилади.

Вегетатив нерв системаси.

Вегетатив нерв тизими симпатик ва парасимпатик қисмларга бўлинади. Симпатик ва парасимпатик нерв тизими органлар фаолиятига қарама - қарши таъсир кўрсатади. Масалан, симпатик нерв тизими таъсирланганда юракнинг қисқаришлари сони ва кучи ортади, қон томирлари тораяди, меъда -ичак йўлининг ҳаракат функциялари сусаяди, кўз қорачиғи кенгаяди, моддалар алмашинуви тезлашади. Парасимпатик нерв тизими таъсирланганда эса юракнинг фаолияти сусаяди, баъзи қон томирлари кенгаяди, маъда -ичак йўлининг ҳаракат функциялари ортади, кўз қорачиги тораяди. Вегетатив нерв тизими ишини бош миянинг турли соҳалари ва бош мия катта ярим шарлари пўслоғи бошқаради. Симпатик нерв тизими марказлари орқа миянинг кўкрак ва бел бўлимларида, парасимпатик нерв тизимининг марказлари ўрта мияда, бош миянинг узунчоқ бўлимларида ва орқа миянинг думғаза бўлимида бўлади.
Лимб системаси. У одамнинг ташқи муҳит ўзгаришларига мослашувини таъминлашда, хулқ - атвор, хис -хаяжон, хотиранинг шакилланишида, овқат ейиш, суюқлик ичиш, авлодни давом эттириш, ўз -ўзини химоя қилиш сингари ҳаётий муҳим эхтиёжларни қондиришга хос майл-истаклар шаклланади. Лимб тизими ўқитиш жараёнида бевосита иштирок этади, чунки у идроқ қилишни, хотира ва диққатни таъминлайди.
Ретикуляр формация ухлаш, уйғониш ва бошқа хис -хаяжонли жараёнларда иштирок этади. Унда нафас олиш, юрак уриши, овқат ҳазм қилиш, йўтал, акса уриш, вестибуляр ва эшитиш нерв марказлари бўлиб, бутун ички органлар ишини бошқаради.