ИЛОВА Жон ХЁРБСТ: «ЎЗБЕКИСТОН ОЧИҚ ЖАМИЯТ САРИ БОРМОҚДА» АҚШнинг Ўзбекистондаги Фавқулодда ва Мухтор элчиси Жон Хёрбстнинг “Моҳият” газетаси саволларига жавоблари Ўзбекистоннинг халқаро алоқалари кенгайиб, дунёда обрў- эътибори ортиб бораётганлиги, жаҳоннинг энг йирик ва тараққий этган давлатлари билан тенгма-тенг муносабатда бўлаётганлиги мустақиллигимизнинг энг улкан неъматлари сирасига киради. Мамлакатимизнинг жаҳон ҳамжамиятида ўз ўрни ва нуфузига эга эканлиги, кўпгина халқаро масалалар, айниқса, минтақавий муаммолар муҳокамаси Ўзбекистоннинг фаол иштирокида амалга ошаётганлиги эндиликда ҳаммага — дўстларимизга ҳам, ғанимларимизга ҳам маълум. Ўзбекистоннинг халқаро муносабатлардаги мавқеи ўзгариб бораётганлиги ҳақида мамлакатимизнинг дунёдаги энг ривожланган давлати ҳисобланмиш Америка Қўшма Штатлари билан бўлган муносабати яққол далолат беради. Кейинги йилларга келиб, юқори поғонага кўтарилган икки томонлама алоқалар эндиликда янги сифат ўзгаришига эришди. Мамлакатларимиз ўртасида стратегик ҳамкорликнинг ўрнатилиши ҳар икки томоннинг манфаатларига хизмат қилмоқда. Турли йўналишдаги алоқалар кучайди, делегациялар ташрифи мунтазам характерга эга бўлди. Мамлакатларимиз ўртасидаги алоқаларнинг ҳозирги кундаги энг муҳим жиҳатлари ва истиқболи хусусида ўз мулоҳазаларини билдиришни сўраб, мухбиримиз Тошпўлат Раҳматуллаев АҚШнинг Ўзбекистондаги Фавқулодда ва Мухтор элчиси Жон Хёрбстга саволлар билан мурожаат этди. Қуйида жаноб Хёрбстнинг мухбиримиз саволларига берган жавоблари билан танишасиз.
Тошпўлат Раҳматуллаев. Америка журналист нигоҳида
www.ziyouz.com
kutubxonasi
48
48
