Nizomiy nomidagi toshkent davlat pedagogika universiteti fizika-matematika fakulteti

1.3. Fizika o‗qitishda fanlararo bog‗lanish 

va kasbga yo‗naltirish.  

Hozirgi texnika jadal rivojlanayotgan paytda kasbga yo‗naltirib o‗qitish har 

tomonlama  rivojlangan  barkamol  insonni  tarbiyalashda  muhim  ahamiyatga  ega. 

SHu bois bizning  respublikamizda  yoshlarga kasbga yo‗naltirib o‗qitishga alohida 

e‘tibor  qaratilmoqda.  Bunga  kasb-hunar  kollejlarining  sonini  yildan-yilga  oshib 

borayotganligini misol keltirish kifoya[6,7]. 

              Fizika  o‗qitishda  kasbga  yo‗naltirib  o‗qitishning  maqsadlaridan  biri 

sifatida  ham,  bilimlar  sifatini  oshirishning  muhim  faktori  sifatida  ham  xizmat 

qiladi.  Kasbga  yo‗naltirib  o‗qitish    faqatgina  kasbiy  chaqqonlikni  oshiribgina 

qolmay,  shu  bilan  birga  o‗quvchilarning  ma‘naviy  kuchlarini  va  qobiliyatlarini 

ham rivojlantirishga, ularda ilmiy dunyoqarashni, ijobiy munosabatda bo‗lish kabi 

fazilatlarni shakllantirishga ham imkon beradi. 

Ma‘lumki,  fan  va  texnika  taraqqiyoti  ta‘lim  va  tarbiyaning  mazmuni  va 

metodlariga  bevosita  ta‘sir  etadigan  quyidagi  bir  qator  belgilar  bilan 

xarakterlanadi: 

- 

fan, texnika va ishlab chiqarishdagi o‗zgarishlarning birga qo‗shilib ketishi 

natijasida fanning bevosita ishlab chiqarish kuchlariga aylanib ketishi; 

- 

ishlab  chiqarish  kuchlari  hamma  elementlarini  sifat  jihatdan  qaytadan 

qurish; 

- 

mehnat  xarakteri  va  mazmuninining  o‗zgarishi,  unda  ijodiy  elementlar 

rolining o‗sishi; 

---

- 

ishchilar  umumiy  va  maxsus  ta‘limi,  hamda  madaniyatining  o‗sish 

darajasi;  

- 

ekologik muammolarning paydo bo‗lishi va shunga bog‗liq bo‗lgan boshqa 

masalalar. 

O‗qitishda    kasbga  yo‗naltirishni  amalga  oshirish  didaktik  tamoyillarga 

tayanadi.  O‗z  navbatida,  kasbga  yo‗naltirib  o‗qitish    didaktik  tamoyil  vositalarini 

boyitadi va uni amalga oshirish ta‘sirini  kuchaytiradi. 

Kasbga  yo‗naltirib  o‗qitish  asosan  ―ko‗rgazmali‖  bo‗ladi,  chunki  uning 

manbai  texnika  ob‘ektlari  hisoblanadi.  SHu  tufayli,  fizika  o‗qitishda  politexnik 

tamoyilni  ketma-ket  amalga  oshirish  ko‗rgazmalilik  tamoyili  vositalarini  boyitish 

bilan birga fizikadan o‗quv jihozlariga aniq talablar qo‗yadi. 

Politexnizm  tamoyili  ilmiylik,  bilimlarni  o‗zlashtirishning  ongliligi,  nazariyaning 

amaliyot  bilan  bog‗liqligi,  ko‗rgazmalilik  singari  didaktik  tamoyillar  bilan 

chambarchas bog‗langan. Politexnik tamoyilni amalga oshirishning bosh zvenosi – 

o‗qitishni mehnat va ishlab chiqarish bilan bog‗liqligi hisoblanadi. 

Kasb-hunar  kollejlarini  tugatgan  talabalarning  asosiy  qismi  ishlab  chiqarish 

sohasiga  boradi.  SHu  munosabat  bilan    ular  mehnat  tarbiyasini  olgan  bo‗lishlari 

zarur.  Mehnat  tarbiyasi  masalasini  hal  etishda  fizika  o‗qituvchisi  ham  ma‘lum 

darajada  ishtirok  etadi.  Mehnat  tarbiyasini  o‗rta  umumta‘lim  maktablardan 

boshlash  maqsadga    muvofiq,  chunki  o‗rta  umumta‘lim  maktablarni  bitirgan 

o‗quvchilarning  ko‗pchilik  qismi  kasb  –  hunar  kollejlariga  boradi,  qolaversa 

akademik  litseylarni  bitirgan  talabalar  ham  ma‘lum  vaqtdan  keyin  biror  turdagi 

mehnat bilan  shug‗ullanishi tabiiydir. 

Mehnat  tarbiyasining  maqsadi  yoshlarni  hamkasblarga,  mehnat  jamoalarga 

muhabbat  va  xurmat  ruhida  tarbiyalash,  jamiyat  uchun    zarur  va  foydali  ishlarni 

bajarishga  tayyorlash,  mehnat  natijasiga  javobgarlik  hissini,  jamoa  qiziqishini 

o‗zining  qiziqishlaridan  ustun  qo‗yishga,  mehnatga  ijodiy  munosabatda  bo‗lish 

hislariga  erishishga  yoshligidan  tayyorlab  borishdan  iborat.  Agar,    o‗qitish  ishlab 

chiqarish mehnati bilan qo‗shib olib borilsa, yaxshi samara beradi. 

---

Endi kasb-hunar kollejlariga kelsak, bu erda mehnat tarbiyasi asosiy maqsadlardan 

biri hisoblanadi. Kollejlarda barcha fan o‗qituvchilari buni amalga oshirishda  faol 

ishtirok etishlari zarur. Fizika o‗qituvchisi ham har bir darsida faqat fan asoslarini 

o‗rgatib  qolmasdan mehnat tarbiyasini ham amalga oshirishi kerak. 

Fizika  o‗qituvchisining  talabalarni  mehnat  tarbiyasi  va  kasbga  yo‗naltirish 

bo‗yicha  ish  metodini  aniqlovchi  tamoyil  bo‗lib  politexnik  tamoyil  hisoblanadi. 

Fizika o‗qituvchisi o‗z darslarida avvalam bor o‗z faniga talabalarni qiziqtira olishi 

zarur,  aks  holda  u  hozirgi  ishlab  chiqarishning  ilmiy  asoslari  haqida,  novator  va 

ijodkorlar haqida har qancha chiroyli so‗zlab bersa ham talabada mehnatga ijodiy 

munosabat 

shakllanmaydi. 

Kasb-hunar 

kollejlarida 

ishlayotgan 

fizika 

o‗qituvchilarining  yana  bir  muhim  vazifasi  shundan  iboratki,  u  o‗z  darslarida 

fizikani talabalarning kelgusidagi mehnat faoliyatlariga qanchalik zarur ekanligini 

aniq misollar orqali  ko‗rsatib bera olishi va bularni tajribalar orqali namoyish etib 

berishi  kerak  bo‗ladi.  O‗qituvchi  shu  yo‗l  bilan  talabalarni  fizika  faniga  bo‗lgan 

qiziqishini oshirish bilan birga o‗z kasbiga muhabbat tuyg‗usini ham uyg‗ota oladi. 

Fizika  o‗qitishni  shunday  tashkil  etish  kerakki,  bunda  texnika  taraqqiyotini  

belgilovchi faktor fizikaning qonunlari ekanligiga talabalarda ishonch hosil bo‗lsin. 

Fanning  insonparvarlik  mohiyatini  ochish,  ya‘ni    yutuqlaridan  xalq  farovonligi 

yo‗lida foydalanish talabalarning politexnik saviyasini, hamda kasbga yo‗naltirish 

bo‗yicha qiladigan  ishlarining samaradorligini  oshiradi. 

Fizikani    o‗rganish  o‗quvchilarning  fizikadan  olgan  oldingi  bilimlarigagina 

tayanib  qolmasdan,  shu  bilan  birga  ijtimoiy  va  tabiiy  fanlardan  olgan  bilimlariga 

ham  tayanadi.  Masalan,  mexanika,  tebranish  va  to‗lqinlarni  o‗rganish  uchun 

matematika  kursidan  trigonometrik  funksiyalar,  elektroliz  hodisasini,  atom  va 

yadro  fizikasini  o‗rganishda  kimyo  kursidan  olgan  bilimlarga,  issiqlik  va  elektr 

haqidagi ta‘limotlarni tushuntirishda sanoat talablari haqidagi tarix kursidan olgan 

ma‘lumotlar,  atmosfera,  konvensiya,  er  magnetizm  hodisalarini  o‗rganishda 

geografiyadan olgan bilimlardan foydalaniladi. 

Fizika  kursini  boshqa  o‗quv  predmetlari  bilan  bog‗lanishini  amalga  oshirish 

quyidagi maqsadlarni ko‗zlaydi: 

---

  Tabiiy  ilmiy  bilimlarning  dialektik  birligi  asosida  tabiat  haqida  yagona 

qarashni shakllantirish; 

  bilimlarni sistemalashtirishni tashkil etish; 

  o‗quvchilarda  tabiat  hodisalari,  tushunchalar,  nazariyalar  orasida  har 

tomonlama bog‗lanish borligini o‗rnata olish ko‗nikmasini shakllantirish; 

  bu  bog‗lanishlar  bilimlarni  chuqurlashtirishga  yordam  beruvchi  sabab 

ekanini tushuntirishni ta‘minlash; 

  o‗qitishni politexnik yo‗nalishini kuchaytirish; 

  o‗quchilar bilimini generalizatsiyalash va boshqalar. 

Fanlararo bog‗lanishni amalga oshirish ikki moslashtirish orqali amalga oshiriladi: 

1)  vaqt bo‗yicha 

2)   tushunchalar bo‗yicha. 

Vaqt bo‗yicha moslashtirish deganda, biror tushuncha, aytaylik vektor tushunchasi 

matematikada  o‗rganilib  bo‗lingach  fizikada  vektor    kattaliklar,  ular  ustidagi 

amallar  bajariladi  yoki  trigonometrik  funksiyalar  matematikada  o‗rganilgach  uni 

fizikada  qo‗llash,    fizik  asoslari  o‗rganiladi  va  bulardan  astronomiyani  o‗qitishda 

foydalaniladi. 

Tushunchalar  bo‗yicha  moslashtirishga  molekula,  atom  va  modda  tuzilishini 

olish  mumkin.  Bu  tushunchalar  fizikada  ham  kimyoda  ham  o‗rganiladi. 

O‗quvchilarda  bu  tushunchalar  bo‗yicha  yagona  tasavvur  hosil  bo‗lishi  uchun 

ularni izohlashda, tushuntirishda fizika va kimyoni o‗rganishda yagona yondoshuv 

zarur,  aks  holda  o‗quvchilarni  chag‗itishimiz,  ularda  modda  tuzilishi,  atom  va 

yadro haqida bir-biriga zid qarashlarni shakllanishi, oqibat natijada ularda yagona 

tasavvur hosil bo‗lmasligi mumkin. 

Fanlararo  bog‗lanishni  amalga  oshirish  uchun  avvalom  bor  predmetlarning 

o‗quv dasturlarini, darsliklar va qo‗llanmalarni yaratishda hisobga olish zarur. 

---