Nomi º Mashg'ulot Semestr

Магистрлик диссертациясига қўйиладиган асосий талаблар

Магистрлик диссертацияси мустақил илмий тадқиқот бўлиб, у магистрларнинг таълим даражасидан, ҳамда битирувчида илмий ходимга хос бошланғич кўникма ва малакаларнинг мавжудлигидан далолат беради. Магистрлик днссертациясининг мавзуси долзарб ҳамда қоидага кўра магистрант танлаган мутахассислик бўйича аниқ илмий, амалий, назарий масалаларни ҳал қилишга қаратилган бўлиши керак.
Магистрлик диссертацияси унинг муаллифи мустақил илмий изланиш олиб бориш қобилиятига эгалиги, касбий муаммоларни тушуниши ва уларни ҳал қилишнинг энг умумий усуллари ва йўл-йўриқларини билишини англатади.
Магистрлик днссертацияси магистрантнинг илмий жиҳатдан етуклиги ва ўз мутахассислиги бўйича чуқур касбий тайёргарликка эгалигини тавсифлаши зарур. Шунинг учун унинг муаллифи ўз ишида илмий малакавий даражасини, мустақил ҳолда илмий тадқиқот юритиш ҳамда муайян илмий ёки амалий вазифаларни ҳал қила олиш кўникмаларини намойиш эта олиши керақ.
Магистрлик диссертацияси кафедрадаги илмий раҳбар томонидан тасдиқланган, диссертация масаласининг назарий жиҳатлари, муаммолари, илмий ва амалий вазифаларни таҳлил қилиш ва ҳал қилишни жамлаган ҳолда пухта ўйлаб тузилган режа асосида ёзилади.
Магистрлик диссертациясини ёзиш бўйича мазкур услубий кўрсатмада магистрантнинг амалиёт ўтиш давридаги тажрибаси, меъёрий ва ташкилотлар ҳужжатлари ва материалларидан фойдаланган ва уларни ўрганган ҳолда хорижий мамлакатлар тажрибаларини таҳлил қилиб, умумлаштириб, диссертациясида кўзда тутилган масалаларни ҳал қилиш йўл-йўриқлари берилган.

2. 
   Магистрлик диссертациясининг мавзуси ва илмий раҳбарни танлаш, иш режасини тузиш жараёни
   

Диссертация мавзусининг тўғри танланиши унинг муваффақиятли якунланишини таъминлайди.

Магистрлик диссертацияси мавзуси мутахассислик кафедрасида ишлаб чиқилган, магистрлик дастури йўналишига мувофиқлаштирилган. Университет ўқув-услубий Кенгашида муҳокама этилиб, Университет Илмий Кенгашида тасдиқланган тематикага мос бўлиши шарт. Тингловчи магистрлик диссертацияси мавзусини танлаб бир қарорга келгач, танлаб олинган мавзуни унга бириктириш хақида кафедра мудири номига ариза ёзади. (1-иловага қаранг). Аризада магистрлик диссертацияси мавзуси тўлиқ ёзиб кўрсатилади.
Магистрантга илмий раҳбарни бириктириш масаласи ҳам илмий раҳбар розилигини олган ҳолда магистрлик диссертациялари мавзулари ва илмий раҳбарларни тасдиқлаш бўйича буйруқ лойиҳаси асосида ҳал этилади.
Буйруқ тасдиқланиб, эълон қилингач, мавзулар номи ва илмий раҳбарни алмаштириш бўйича ўзгартириш киритиш мумкин эмас.
Мавзу танлаб олингач, илмий раҳбар билан биргаликда диссертация режаси ишлаб чиқилади. Қоидага кўра, илмий раҳбар магистрлик диссертацияси режасини ишлаб чиқиш жараёнига магистрант тадқиқот мавзуси бўйича адабиётлар рўйхатини тузгандан кейингина қўшилиши мумкин.
Магистр илмий раҳбар билан белгиланган кунлар ва соатларда мунтазам равишда учрашиб, ўз ишини муҳокама этиб бориши ва керакли маслаҳатлар олиши керак.