Normamatova ijtimoiy ish nazariyasi

Ijtimoiy ish xodimining professional majburiyatlari
Ijtimoiy ish xodimi quyidagilarga majbur:

1. 
   Ijtimoiy-tibbiy, yuridik, psixologik-pedagogik, moddiy va boshqa yordamga, ma’naviy, jismoniy va psixik salomatligining muxofazasiga muhtoj oilalar, bolalar va alohida shaxslarni aniqlash;
   
2. 
   Ijtimoiy himoyaga muhtoj oilalar, bolalar va katta odamlarning hayot sharoitlarini o‘rganish hamda ularning huquqiy hamda ijtimoiy himoyasini uyushtirish;
   
3. 
   Mijozlarning ehtiyojlarini aniqlash va zarur bo‘lgan hollarda qo‘shimcha xizmat olish uchun boshqa tashkilotlarga yuborish;
   
4. 
   Tibbiy va ta’lim muassasalariga joylashishga, moddiy, ijtimoiy-maishiy va boshqa yordam olishda ko‘mak berish;
   
5. 
   Mijozlarda yuzaga kelgan qiyinchiliklarni, nizoli vaziyatlarni belgilash, ularga bu qiyinchiliklar, nizolarni hal qilishda ko‘maklashish va ijtimoiy himoyalash;
   
6. 
   Mijoz/mijozlar bilan ijtimoiy ishning zamonaviy nazariyasi va modellarini qo‘llab, mijozning kuchli tomonlariga urg‘u berish va uning atrofidagi imkoniyatlarni izlagancha ularning muammolarini hal qilish bo‘yicha to‘g‘ridan-to‘g‘ri ish olib borish;
   
7. 
   Ota-ona qaramog‘isiz qolgan bolalarni joylashtirish bo‘yicha ishlarni uyushtirish va uyg‘unlashtirish (masalan, bola qilib olish yoki bolani tutingan oilaga joylashtirish va hokazo);
   
8. 
   Mijozlar (ozodlikdan mahrum qilish joylaridan qaytgan shaxslar, institutsional va ixtisoslashtirilgan o‘quv-tarbiyaviy muassasalarni bitirayotganlar)ning ijtimoiy moslashuvi va reablitatsiyasi yuzasidan ishlarni uyushtirish va uyg‘unlashtirish;
   
9. 
   Mijozlarni ularning jamiyatga muvaffaqiyatli integratsiyasi va yuzaga kelgan hayotiy qiyinchiliklarni mustaqil hal qilishlari uchun zaruriy hayotiy ko‘nikmalarga o‘rgatish;
   
10. 
    Mijozlarga bolalarning oiladagi farovonligini yaxshilash uchun bolalarning ehtiyoji va yoshga oid rivojlanishi, bolalar bilan shafqatsiz va beparvo munosabat va h.k. masalalari yuzasidan ota-onalar malakasini rivojlantirish bo‘yicha maslahatlar berish;
    
11. 
    Mijozlarni istalmagan axloqni o‘zgartirish va ijtimoiy maqbul axloqni egallash masalalari bo‘yicha maslahat berish;
    
12. 
    Oilalarga bolalar, bemoralar va keksa odamlarni parvarish qilish qoidalari hamda malakalarini o‘rgatishda yordamlashish va uni tashkil etish;
    
13. 
    Odamlarning zaif guruhlariga nisbatan mavjud stereotiplarni susaytirish maqsadida ta’lim dasturlari va OAV orqali jamiyatning xabardorligini oshirish hamda professional ijtimoiy ishni targ‘ib qilish.