Normamatova ijtimoiy ish nazariyasi

Ijtimoiy ish xodimi quyidagi shaxsiy-professional sifatlarga ega bo‘lishi, ularni rivojlantirishi va namoyish qilmog‘i zarur:

• 
  har bir odamning qadriyatlarini shaksiz qabul qilish, uning huquqlarini hurmatlash;
  
• 
  odamlarning individual farqlariga bahosiz munosabat, insonparvarlik;
  
• 
  rivojlangan o‘z-o‘zini anglash va o‘z-o‘zini baholash, tanqidiy tafakkur;
  
• 
  empatiya (hamdardlik va xayrihohlik qobiliyati);
  
• 
  refleksiya (fikrlash, mulohaza yuritish qobiliyati);
  
• 
  odamlar bilan aloqa o‘rnatish va ishonchli munosabatlarni shakllantirishni uddalay olish;
  
• 
  odamlarning hissiy holatiga sezgirlik va ta’sirchanlik, hissiy vazminlik va chidamlilik;
  
• 
  murakkab vaziyatlarni hal qilishdagi qat’iyatlilik va izchillik;
  
• 
  xavotirlilikning maqbul darajasi, ruhiy tushkunlik holatiga moyillikning yo‘qligi:
  
• 
  yordam ko‘rsatilayotgan odamlar va oilalarning kuchli tomonlarini ko‘ra bilish va rivojlantirish mahorati;
  
• 
  stressli va hissiy murakkab vaziyatlarda ishlash ko‘nikmasi: o‘z-o‘zini nazorat qilish, bir holatdan boshqasiga o‘tish, o‘z hissiyotlari va axloqini boshqarish qobiliyati.
  

Ijtimoiy ish xodimlarining etik majburiyatlari
Ijtimoiy ish xodimi majburiyatlari:

• 
  ijtimoiy ish mijozlarining qiziqishlariga ko‘maklashadi va huquqlarini himoya qiladi;
  
• 
  mijozlarda ishonch o‘rnatish va uni saqlashga intiladi va maxfiylik qoidasiga amal qiladi;
  
• 
  xizmatdan foydalanuvchi mijozlarning mustakillikni egallashiga, o‘z-o‘zini aniqlashni rivojlantirishga ko‘maklashadi;
  
• 
  xizmatdan foydalanuvchi mijozlarni xavfdan hamda ularga zarar kelishidan iloji boricha himoya qiladi;
  
• 
  o‘z ishining sifati va o‘z bilimlari, malakasini saqlash hamda yaxshilashga mas’ul bo‘la oladi;
  
• 
  millati, yoshi, diniy e’tiqodi, oilaviy maqomi, aqliy yoki jismoniy xususiyatlari, imtiyozlari, shaxsiy tavsifnomalari va boshqalarga asoslangan kamsitishning har qanday shakllarini namoyon etishni rad etadi va to‘sqinlik qiladi va boshqalar.