O ’zbekiston Respublikasi oliy va o’rta maxsus ta’lim vazirligi Guliston davlat universiteti Qattiq jism fizikasi bo’limidan o’quv-uslubiy majmua

1. O`quv fani o`qitilishi bo`yicha uslubiy ko`rsatmalar


Fanining maqsad va vazifalari Qattiq jismlar fizikasi-fani qattiq jism tuzilishi va sutrukturasini, ularning fizikaviy (mexanik, elektr, magnit va optika va b.) xarakteristikalarini, shuningdekbu xarakteristikalarning qattiq jism turgan sharoitga bog’liq ekanligini o’z ichiga olgan qattiq jism fizikasining asosiy masalalarini o’rganishga bag’ishlangan
II. O’quv fanining maqsadi va vazifasi
“Qattiq jismlar fizikasi” fanining asosiy maqsadi- moddaning kristall holatining fizikaviy asoslarini o’rshganishdan iborat. Bular Qattiq jismlarda mavjud bo’lgan ichki mexanik kuchlar va kuchlanishlarnitavsiflovchi mexanik xususiyatlar: Qattiq jismlardagi issiqlik harakati va issiqlik o’tkazuvchanlik xodisalarini o’rganuvchi qattiq jismlarning termodinamik xususiyatlari; qattiq jismlardagi elektr xossaalarga bag’ishlangan qattiq jismlarning elektr xususiyatlari; qattiq jismlarda magnit xodisalar bilan bog’liq bo’lgan fizikaviy jarayonlarni o’rganuvchi qattiq jismlarning magnit xususiyatlaridir.
“Qattiq jism fizikasi” o’quv fanini o’zlashtirish jarayonida amalga oishirladigan masalalar doirasida talaba:
Qattiq jismlar fizikasining asosiy tushunchalari, qonunlari, muxim jarayonlari va xossalarini o’rganadi, ularni tahlil qilish, kattaliklar va birliklar haqida tasavvur va bilimga
Laboratoriya natijalarini qayta ishlash, eksperimental va nazariy qonunlarni tavsiflash va tahlil qilish bo’yicha qo’nikmalarga;
Tadqiqot qurilmalarini o’rganish va tajriba o’tkazish, ulchash va ulchov asboblaridan to’g’ridan to’g’ri foydalanish bo’yicha malakaga ega bo’lishi kerak.

Fanning vazifasi – talabalarda fizikani o’qitishda ilmiy-amaliy dunyoqarashni, ya’ni fizikaviy hodisalarning tabiatini to’g’ri tasavvur qilish, tabiiy fanlar sohasida qo’yilgan har bir aniq vazifalar mazmunini umumiy fizika va texnika qonunlari bilan bog’lash, asosiy fizik qonun va printsiplarni texnikaviy jarayonlarga qo’llash, kasbiy xususiyatlariga oid asosiy fizikaviy o’lchov asbob-uskunalaridan foydalana bilish ko’nikma va malakalarni hosil qilish hamda talabalarning mustaqil ishlash malakasini, tahliliy mulohaza yuritish qobilyatini, shuningdek asosiy va qo’shimcha adabiyotlardan foydalanish mahoratini o’stirish;