Odobnoma fanidan bir soatlik dars ishlanma Mavzu: Konstitutsiyamizda bolalar huquqi

III. Yangi mavzuni yoritish: Yangi mavzuni tushuntirishdan avval darslikda berilgan rasmlarga o`quvchilarning e`tibori jalb etiladi, faollashtirish uchun quyidagi savollar bilan murojaat qilinadi.
1.Ushbu rasmlarda kimlarni ko`ryapsiz?
2. Rasmlardagi bolalar nimalar bilan mashg`ul?
Yangi mavzuning mazmuni haqida tushuncha beriladi. Mavzuni tushuntirish jarayonida slaydlarni namoyish etish va Konstitutsiyaning mavzuga dahldor moddalarini o`qib, sharhlab berish yaxshi samara beradi.
O`zbekistonda har bir inson davlat himoyasida. Davlat o`z fuqorolarining huquq va erkinliklarini ta`minlaydi. Bu Konstitutsiyamizda belgilab qo`yilgan.
Konstitutsiya davlatimizning asosiy qonuni bo`lib, unga hamma amal qilishi shart.
O`zbekistonda bolalar bepul ta`lim olish huquqiga egadirlar. Zamonaviy va shinam maktablarda o`qiyotganimiz buning isbotidir.
Biz malakali tibbiy xizmatdan foydalanishga haqlimiz. Shuningdek, dam olish huquqiga egamiz.
Konstitutsiyamizdagi moddalar o`quvchilarga topishmoq tarzida o`qib eshittiriladi. Birga- likda javoblari topilib, izohlanadi. Bu usul Konstitutsiyamizning moddalari o`quvchilarning yodida yaxshi saqlanib qolishiga yordam beradi.
Atrof muhitni saqlash
Barchaning teng burchidir.

Uni asrab—avaylash—

Vijdonlilar ishidir.
Javob: O`zbekiston Respublikasi Konstitutsiyasining 50—moddasi .
Milliy boyligimizning
Qadriga yetmoq kerak.
Yer, suv, o`simlik—bari
Elimga doim kerak!
Javob: O`zbekiston Respublikasi Konstitutsiyasining 55—moddasi .
Olti bo`limli kitob,
Va yigirma olti bob.
Bir yuz yigirma sakkiz
Moddani o`rganamiz.
Javob: << O`zbekiston Respublikasi Konstitutsiyasi >> kitobi.
Azimdir Toshkent shahri,
Juda keng, saxiy bag`ri.
Udir Vatan yuragi,
Ulug` xalqim tilagi.
Javob: O`zbekiston Respublikasi Konstitutsiyasining 6—moddasi
Bepul ta`lim olamiz
Hur vatanim qo`ynida
Vatanga xizmat qilish,
Har o`g`ilning o`yida.
Javob: O`zbekiston Respublikasi Konstitutsiyasining 41—moddasi.
Farzandlik burchin so`zlar
Har soniya , soatda.
Insoniylikni ko`zlar

Har daqiqa, har onda.

Javob: O`zbekiston Respublikasi Konstitutsiyasining 66—moddasi.
Tibbiy xizmat doimo
Kerak har bir kishiga.
Sog`lom tanda sog` aql
Unum berar ishiga.
Javob: O`zbekiston Respublikasi Konstitutsiyasining 40—moddasi.
Vatanimning bayrog`i—
Dilginamning qarog`i.
Madhiya hamda gerbim,
Porloq yo`lim chirog`i.
Javob: O`zbekiston Respublikasi Konstitutsiyasining 5—moddasi.
Bo`lmoq yaxshidir mulkdor,
Ham fermer-u chorvador,
Ko`chmas mulkning egasi--
Tadbirkorlar sarasi.
Javob: O`zbekiston Respublikasi Konstitutsiyasining 36—moddasi.