Oilaning elektron onlayn-auksion orqali yer uchastkasini sotib olish bilan

komissiya — tumanda (shaharda) nogironligi bo‘lgan shaxsning va tarkibida nogironligi
bo‘lgan shaxs bor oilaning elektron onlayn-auksion orqali yer uchastkasini sotib olish bilan bog‘liq
xarajatlarini qoplab berish to‘g‘risidagi murojaatlarni ko‘rib chiqish va hal etish bo‘yicha ushbu
Nizomga 
1-ilovaga 
muvofiq namunaviy tarkibda shakllantiriladigan hamda tegishli tuman (shahar)
hokimi qarori bilan tasdiqlanadigan komissiya.
3. Imtiyozli toifadagi shaxslarga bir martalik to‘lov:
“Ayollar daftari”ga kiritilgan imtiyozli toifadagi shaxslar uchun — “Ayollar daftari” jamg‘armasi
hisobidan;
“Yoshlar daftari”ga kiritilgan imtiyozli toifadagi shaxslar uchun — “Yoshlar daftari” jamg‘armasi
hisobidan;
“Temir daftar”ga kiritilgan shaxslar uchun — “Saxovat va ko‘mak” jamg‘armasi hisobidan
tegishlicha mazkur jamg‘armalar faoliyatini muvofiqlashtiruvchi tashkilotlar tomonidan
moliyalashtiriladi.
4. Bir martalik to‘lov yer uchastkasini auksion orqali sotib olish xarajatlaridan kelib chiqqan
holda, oilasi tarkibida nogironligi bo‘lgan shaxslar sonidan qat’i nazar, bazaviy hisoblash
miqdorining 100 baravarigacha miqdorda ajratiladi.
Bunda yer uchastkasini auksion orqali sotib olish xarajatlari miqdori bazaviy hisoblash
miqdorining 100 baravarigacha bo‘lganda to‘liq, xarajatlar miqdori ushbu chegaradan yuqori
bo‘lgan hollarda esa xarajatlarning bazaviy hisoblash miqdorining 100 baravarigacha bo‘lgan qismi
qoplab beriladi.
5. Bir martalik to‘lov har bir imtiyozli toifadagi shaxsga moliyaviy yordam sifatida bir marta
to‘lab beriladi.
6. Imtiyozli toifadagi shaxslarning auksion orqali yer uchastkasini sotib olish bilan bog‘liq
xarajatlari ushbu Nizomga 
2-ilovadagi 
sxemaga muvofiq qoplab beriladi.
2-bob. Imtiyozli toifadagi shaxslarga bir martalik to‘lovni amalga oshirish tartibi
7. Imtiyozli toifadagi shaxslarga bir martalik to‘lovni amalga oshirish komissiya tomonidan
ko‘rib chiqiladi.
Tuman (shahar) kambag‘allikni qisqartirish va bandlik bo‘limi komissiya ishchi organi (keyingi
o‘rinlarda — Komissiya ishchi organi) hisoblanadi.
8. Bir martalik to‘lovni amalga oshirish uchun imtiyozli toifadagi shaxslar quyidagi mezonlarga
muvofiq kelishi kerak:
oxirgi 12 oy davomida o‘zi yoki oila a’zolari nomida yashash uchun mo‘ljallangan turar joyi yoki
yer uchastkasi mavjud bo‘lmasligi;
yer uchastkasi oxirgi uch oy ichida auksion orqali xarid qilingan va O‘zbekiston Respublikasi
hududida bo‘lishi;
qonunchilik hujjatlarida belgilangan tartibda tibbiy-ijtimoiy ekspert komissiyalari tomonidan
ekspertiza natijalari bo‘yicha nogironligi bo‘lgan shaxs deb topilgan, shuningdek, tegishliligi
bo‘yicha “Temir daftar”, “Ayollar daftari”, “Yoshlar daftari”ning birida turgan bo‘lishi.
9. Imtiyozli toifadagi shaxslar auksion orqali yer uchastkasi sotib olgandan boshlab uch oy
ichida sotib olish bilan bog‘liq xarajatni qoplab berish yuzasidan o‘z hududidagi Komissiya ishchi
organiga ushbu Nizomga 
3-ilovadagi 
shaklda ariza bilan murojaat qiladi.
Ushbu bandda ko‘rsatilgan muddatdan (uch oy) kechikib berilgan arizalar ko‘rib chiqilmaydi.
10. Imtiyozli toifadagi shaxslar arizaga yer uchastkasi auksion orqali sotib olinganligi
tasdiqlovchi hujjatlar nusxasini ilova qilish kerak.
11. Komissiya ishchi organi hisobot oyining 20-sanasiga qadar:
bir martalik to‘lov yuzasidan ariza bilan murojaat qilgan imtiyozli toifadagi shaxslarning
ro‘yxatini shakllantiradi;

---

bir martalik to‘lov yuzasidan murojaat qilgan imtiyozli toifadagi shaxslarning arizasi va ushbu
Nizomning 
10-bandida
nazarda tutilgan hujjatlarni ilova qilgan holda shakllantirilgan ro‘yxatni
komissiyaga taqdim etadi.
12. Komissiya hisobot oyining 25-sanasiga qadar:
a) imtiyozli toifadagi shaxslarning ushbu Nizomning 
8-bandida 
nazarda tutilgan mezonlarga
muvofiqligini o‘rganadi.
Bunda:
imtiyozli toifadagi shaxslarning o‘n ikki oy davomida o‘zi yoki oila a’zolari nomida yashash
uchun mo‘ljallangan turar joyi yoki yer uchastkasi mavjud emasligi mezoniga muvofiqligi
O‘zbekiston Respublikasi Iqtisodiyot va moliya vazirligi huzuridagi Kadastr agentligi tuman (shahar)
bo‘limi tomonidan;
shaxsning nogironlik holati tuman (shahar) kambag‘allikni qisqartirish va bandlik bo‘limi
tomonidan;
oila tarkibida nogironligi bo‘lgan shaxs borligi tuman (shahar) Fuqarolik holati
dalolatnomalarini yozish organi tomonidan aniqlanadi;
b) imtiyozli toifadagi shaxslar uchun bir martalik to‘lovni moliyalashtirish manbai quyidagi
tartibda aniqlashtiriladi:
“Ayollar daftari” va “Yoshlar daftari”ga kiritilgan imtiyozli toifadagi shaxslar uchun tegishlicha
“Ayollar daftari” va “Yoshlar daftari” jamg‘armalari hisobidan;
“Temir daftar”ga kiritilgan shaxslar uchun “Saxovat va ko‘mak” jamg‘armasi hisobidan;
v) “Ayollar daftari”, “Yoshlar daftari” va “Temir daftar”ga kiritilmagan imtiyozli toifadagi
shaxslarni muvofiqligi bo‘yicha ulardan biriga kiritish choralarini ko‘radi hamda mazkur bandning
“b” kichik bandiga 
muvofiq moliyalashtirish manbaini aniqlaydi.
Bunda “Ayollar daftari”, “Yoshlar daftari” va “Temir daftar”dan biriga kiritilishi lozim bo‘lgan
imtiyozli toifadagi shaxslarning arizalarini ko‘rib chiqish keyingi hisobot oyiga qadar kechiktirilishi
mumkin;
g) o‘rganish jarayonida imtiyozli toifadagi shaxslar to‘g‘risidagi ma’lumotlarga aniqlik kiritish
maqsadida tegishli tashkilotlardan zarur ma’lumotlar so‘rab olinishi mumkin;
d) imtiyozli toifadagi shaxslarga bir martalik to‘lovni amalga oshirish masalasini Komissiya
a’zolarining umumiy yig‘ilishida ko‘rib chiqadi hamda “Ayollar daftari”, “Yoshlar daftari” va “Saxovat
va ko‘mak” jamg‘armalari hisobidan mablag‘lar ajratish maqsadida moliyalashtirish manbaini
ko‘rsatgan holda, imtiyozli toifadagi shaxslar ro‘yxatini tegishliligi bo‘yicha “Ayollar daftari” va
“Yoshlar daftari” jamg‘armasining Vasiylik kengashlari hamda xalq deputatlari tuman (shahar)
Kengashiga kiritadi.
13. O‘rganish natijalariga ko‘ra imtiyozli toifadagi shaxslarning ma’lumotlari bo‘yicha ushbu
Nizomning 
8-bandida 
nazarda tutilgan mezonlarga nomuvofiqlik (shu jumladan, tegishli
tashkilotlardan aniqlik kiritish maqsadida olingan ma’lumotlar asosida) aniqlangan taqdirda,
Komissiya tomonidan bir martalik to‘lovni ajratish rad etiladi hamda bu haqda uch ish kunida
imtiyozli toifadagi shaxslarga yozma xabarnoma yuboriladi.