Oiv-infeksiyasi tarixi, etiologiyasi va epidemiologiyasi oiv infeksiyasining yuqish yo‘llari oiv-infeksiyasini kechishi

2-mavzu. OIV – ortirilgan immunitet virusi.

Reja.

1. 
   OIV-infeksiyasi tarixi, etiologiyasi va epidemiologiyasi
   
2. 
   OIV infeksiyasining yuqish yo‘llari
   
3. 
   OIV-infeksiyasini kechishi
   
4. 
   Davolash
   

Orttirilgan immuntanqislik sindromidan (OITS), 1981 yilda birinchi bor tashhis qo‘yilgandan buyon, 25 million odam hayotdan ko‘z yumdi. Bu ko‘rsatgich kasallikning insoniyat tarixida eng qaqshatgich falokat ekanligini bildiradi. Keyingi paytda antiretrovirus davo imkoniyatlari kengayishiga qaramay, 2005 yilda OITS epidemiyasi o‘rtacha 3,1 million (2,8-3,6 mln) aholining o‘limiga sabab bo‘ldi. Bularning yarim milliondan ortig‘i (570000) bolalar edi. 2005 yilga kelib, odam immuntankislik virusi (OIV) bilan yashayotganlar soni eng yuqori darajaga etdi. Mutahassislarning baholashicha, o‘sha davrgacha 40,3 million (36,7-45,8 mln) odam OIV bilan yashagan. Har yili 5 mln dan ortiq aholi OIV-infeksiyasini yuqtiradi. BSSTning Evropa regional byurosi ma’lumotlariga ko‘ra, 2004 yilga kelib Markaziy Osiyoda OIVni yangi yuqtirish holatlari sonining o‘sishi quyidagi koeffitsientlarga etdi: 1 mln aholiga nisbatan OIVni yangi yuqtirganlar soni Kozog‘istonda 43 ta, O‘zbekistonda 38 ta, Kirg‘izistonda 31 ta, Tojikistonda 4 ta .