Олий ва ўрта махсус таълим вазирлиги мирзо улуғбек номидаги ўзбекистон миллий университети иқтисодий таълимда ўқитиш технологияси «Қишлоқ ХЎжалиги иқтисодиёти»
Download 392.95 Kb.
|
3.Таълим технологияси
Қишлоқ хўжалиги фаолиятининг асосий мақсади, бош функцияси қишлоқ хўжалиги маҳсулотлари етиштириш, уларни тайёрлаш, қайта ишлаш ҳамда истеъмолчиларга етказиб бериш билан ўзаро боғланган тизимнинг мақсадга мувофиқ, бир меъёрда барқарор ишлашини таъминлаш, провардида мамлакат иқтисодиётини мустаҳкамлаш, аҳоли турмуш даражасини оширишга хизмат қилишдан иборат. Ушбу мажмуанинг иқтисодиётини чуқур ўрганмасдан мамлакат озиқ-овқат мустақиллиги ва хавфсизлигини таъминлаш, аҳолининг турмуш даражасини ошириш, мажмуа олдида турган кўплаб иқтисодий, ижтимоий масалаларнинг мўътадил ечимини топиш, соҳани ривожлантириш истиқболларани тўғри белгилаш мумкин эмас. Мамлакат ҳаётининг барча жабҳаларида олиб борилаётган ислоҳотларнинг самараси уни амалга ошираётган инсон омили, унинг билим ва амалий кўникмаларининг теранлиги ва сифатига боғлиқдир. Хозирда дунёда илм, фан ва техника тараққиёти жуда тез суръатлар билан ривожланмоқда. Илм фаннинг ривожланганлик даражаси мамлакатларнинг рақобатли дунёда ривожланишининг асосий таянчи бўлиб юзага чиқмоқда. Шу сабабдан республикамизда таълим тизимини ривожлантириш, уни сифат жиҳатдан юқори даражага кўтариш, олиб борилаётган ислоҳотларнинг устивор йўналишларидан бири қилиб белгиланди. Мамлакат олдида турган мураккаб вазифаларни кам сарфлар (вақт, ресурс) билан самарали еча оладиган, рақобатбардош, юқори билимли ва малакали мутахассисларни тайёрлаш мавжуд таълим тизимига янги ғоялар, усуллар ва технологияларни жорий этишни талаб қилмоқда. Таълимнинг асосий мақсадларидан бири талабаларнинг чуқур назарий ва амалий билимларни эгаллашларини таъминлашдир. Давлат таълим стандартларида белгиланган вазифаларни тўлиқ ва сифатли бажарилишига эришиш анъанавий билим бериш йўлини ривожлантирган ҳолда янги педагогик технологиялардан, ўқитишнинг фаол ва интерфаол усулларидан кенг фойдаланишни зарурат қилиб қўймоқда. Хозирда илғор педагогик технологиялардан иқтисодий фанларни ўзлаштиришда ҳам кенг фойдаланиш заруратга айланди. Иқтисодий таълимда илғор педагогик технологияларни қўллаш қисқа муддат ичида бажариш қийин бўлган, жуда сермеҳнат ва мураккаб вазифадир. Республикамиз олий ўқув тизимида бу вазифани ижобий ҳал этиш борасида жиддий ишлар амалга оширилмоқда. Тошкент давлат иқтисодиёт университетида иқтисодий фанларни ўқитишда илғор педагогик техногиялардан самарали фойдаланиш борасида катта ишлар бажарилмоқда. Университет ректори проф. Ходиев Б.Ю. ташаббуси билан ўқув юртининг профессор-ўқитувчилари учун икки босқичдан иборат семинар–тренинг ташкил этилди. Қўлингиздаги услубий қўлланма ушбу семинар-тренинг натижасида олинган билимларнинг маҳсули ҳисобланади. Бу услубий қўланма республика таълим тизимида иқтисодий фанлардан дарс берувчи профессор-ўқитувчилар учун мўлжалланган. Услубий қўланмада турли иқтисодий фанлар бўйича дарс берадиган профессор-ўқитувчиларнинг ишланмалари берилган. Услубий қўлланманинг ўзига хослиги, унинг мураккаблиги шундаки унда бир иқтисодий фан бўйича тўлиқ ишланма тайёрланмаган. Бу эса ундан фойдаланувчилар учун маълум мураккабликлар туғдиради. Шунга қарамасдан унда ифода этилган ишланмалар иқтисодий фанларни ўқитаётган профессор-ўқитувчилар учун фойдали деб ҳисоблаймиз. Иқтисодий фанларни ўқитиш жараёнига янги педагогик технологияларни жорий этиш энг аввало профессор-ўқитувчининг ўз предметини жуда чуқур ва мукаммал билишини талаб қилади. Ўқитишнинг фаол ва интерфаол усулларидан фойдаланиш профессор-ўқитувчининг иш унумини оширади, ҳар бир академик соат учун дастурда белгиланган илмни чалғимасдан талабаларга етказишни таъминлайди. Шу билан биргаликда бизнинг назаримизда энг муҳими талабаларни ўз устида ишлашга, ўтилган дарсларни максимал ўзлаштиришга олиб келади. Ушбу услубий қўлланма унинг муаллифлари томонидан бажарилган дастлабки ишланма бўлганлиги сабабли мукаммал эмасдир. Муаллифлар ушбу ишланманинг таркиби, мазмуни, масалаларнинг баён этилиши бўйича билдирилган барча таклиф ва мулаҳазаларни миннатдорчилик билан қабул қилиб, уларни кейинги нашрларда эътиборга олишга харакат қиладилар. Муаллиф ушбу услубий ишланмани тайёрлашда ва нашр этишда фаол ёрдам кўрсатганликлари учун проф. Ходиев Б.Ю., Бекмуродов А.Ш, доц. А.Хаитов ва доц. Л.В.Голишга ўз миннатдорчилигини билдиради. Download 392.95 Kb. Do'stlaringiz bilan baham: 
|