OnA tili abituriyentlar uchun eng qulay qo’llanma. [qilichev jahongir] fonetika

AJRATIB YOZISH  

1.  Qo‘shma fe‘llar va ko‘makchi fe‘lli so‘z qo‘shilmalari ajratib yoziladi. Olib ber, borib 

kel, ishlab chiqar (qo‘shma fe‘l); yozib tur, ayta qol (ko‘makchi fe‘lli s. q.) 

Eslatma: agar har ikkala fe‘l ham mustaqil ma‘no bildirsa, qo‘shma fe‘l hisoblanadi. 

Agar birinchi fe‘l mustaqil ma‘noni ifodalab, ikkinchisi ma‘no ifodalamasa, ko‘makchi 

fe‘lli so‘z qo‘shilmasi deyiladi. 

Eslatma: ba‘zi ko‘makchi fe‘lli so‘z qo‘shilmalari qo‘shib yozilishi mumkin:  

I yetakchi fe‘l a bilan tugab, ko‘makchi fe‘l o bilan boshlansa qo‘shib yoziladi: ayta oldi 

– aytoldi (fonetik yozuv); bora oldi – boroldi (fonetik yozuv). 

II. yetakchi fe‘l a yoki y tovushi bilan tugab, ko‘makchi fe‘l b bilan boshlansa qo‘shib 

yoziladi:  

Ayta ber – aytaver (fonetik yozuv); o‘qiy ber – o‘qiyver (fonetik yozuv) 

---

 

21 

 

2.  Har, hech, bir, u, bu, shu, o‘sha, hamma kabi so‘zlar bilan yasalgan qo‘shma olmosh va 

qo‘shma ravishlar har doim ajratib yoziladi: har kim, hech nima, hech kim (olmoshlar); 

bir zum, u yer, bu yoq, shu joy, hamma vaqt (ravishlar).  

3.  Ko‘makchilar o‘zi bog‘langan so‘zdan ajratib yoziladi, lekin bir so‘roqqa javob bo‘lib, 

bir gap bo‘lagi vazifasida keladi: sen kabi, do‘sti uchun, maktab tomon.  

Masalan: Bolalar maktab tomon ketdi. U do‘sti uchun oldi. 

Eslatma: bilan, uchun ko‘makchilari –la, -chun ko‘rinishida chiziqcha bilan yozilishi 

mumkin: Qalam-la men to‘qiyman qo‘shiq. 

4.  Sifatning orttirma darajasini hosil qiluvchi lang, liq, tim, to‘q, och, jiqqa so‘zlari har 

doim ajratib yoziladi:lang ochiq, liq to‘la, tim qora, to‘q qizil, och sariq, jiqqa ho‘l. 

5.  Murakkab son qismlari ajratib yoziladi: bir ming to‘qqiz yuz to‘qson beshinchi yil (1995-

yil). 

6.  Yildan yilga, kundan kunga, tomdan tomga, ochiqdan ochiq, yangidan yangi, ko‘pdan 

ko‘p kabi birinchi qismi chiqish kelishigida, ikkinchi qismi jo‘nalish kelishigida bo‘lgan 

birikmalar o‘rtasida chiziqcha qo‘yilmaydi va ajratib yoziladi. 

7.  Izofali birikmalar har doim ajratib yoziladi (izofa – fors-tojik tilida egalik qo‘shimchasi 

va qaratqich kelishigi o‘rnida keluvchi vosita) unli bilan tugagan so‘zlarga –yi izofasi, 

undosh bilan tugagan so‘zlarga –i izofasi qo‘shiladi: 

Tarjimayi hol – (holatning tarjimasi) 

Oynayi jahon – (Jahonning oynasi) 

Ahli Andijon – (Andijonning ahli) 

Eslatma: gulbeor, dardisar kabi izofali so‘zlar hozirgi o‘zbek tilida qo‘shib yoziladi.