Ona tili ta’limida rivojlangan davlatlar tajribasi va ularning dars jarayoniga tatbiqi Mashg‘ulotning maqsadi

306-guruh To‘xtayeva Saida
3-Laboratoriya mashg‘uloti
Ona tili ta’limida rivojlangan davlatlar tajribasi va ularning dars jarayoniga tatbiqi
Mashg‘ulotning maqsadi: Talabalarni xorijiy mamlakatlarda ona tili ta’limi qanday yo‘lga qo‘yilganligi bilan tanishtirish, ularda ona tili darslarini yanada samarali tashkil etish ko‘nikmalarini shakllantirish, Finlandiya, Yaponiya va boshqa davlatlarining ona tili ta’limi tizimlari bilan tanishtirish va muhokama qilish.
1-topshiriq. Quyidagi ssilkada berilgan “Fin ta’limi amaliyotda” mavzusidagi maqolani o‘qing, quyidagi ssilkalarga kirib fin ta’limi haqidagi filmlarni ko‘rib chiqing va umumiy fikrlaringiz va xulosalaringiz asosida 350-500 ta so‘zdan iborat maqola yozing.
Fin ta'limi amaliyotda.pdf
https://www.youtube.com/watch?v=aheDzMrKuEM
https://www.youtube.com/watch?v=6RJ-Y3xmyFo
https://www.youtube.com/watch?v=ceWeIKLfgv8
O‘quvchi va o‘qituvchi orzusi: Finlyandiya ta’lim tizimi
Nufuzli Iqtisodiy hamkorlik va taraqqiyot tashkiloti tomonidan uch yilda bir o‘tkaziluvchi xalqaro tadqiqotlarga ko‘ra, finlyandiyalik maktab o‘quvchilari dunyodagi eng yuqori bilimlar darajasini namoyish etishadi. Ular shuningdek dunyodagi eng ko‘p kitob o‘quvchi bolalar hamdir. Bundan tashqari, finlyandiyalik maktab o‘quvchilari tabiiy fanlar bo‘yicha - dunyoda ikkinchi, matematika bo‘yicha esa beshinchi o‘rinni egallashadi. Biroq pedagogik jamiyatni quvontiradigani birgina bu natijalar emas. Shunisi ajablanarliki, dunyo miqyosida yuqori ko‘rsatkichlarni qayd etishlariga qaramay, finlyandiyalik maktab o‘quvchilari darslarga u qadar ko‘p vaqt ajratishmaydi.
Finlyandiyada o‘rtacha majburiy umumta’lim tizimi ikki bosqichli maktabni o‘z ichiga oladi:
— quyi (alakoulu), 1-6 sinf;
— yuqori (yläkoulu), 7-9 sinf.
Qo‘shimcha 10-sinfda o‘quvchilar o‘z baholarini yaxshilashlari mumkin. So‘ngra bolalar yo professional kollejga yo‘l olishadi, yoki litsey (lukio)da o‘qishni davom ettirishadi.