Ona tili va bolalar adabiyoti

361-mashq. O‘qing. Sodda yig‘iq va yoyiq gaplarni aniqlang. Ikki bosh bo‘lak-
li sodda yoyiq gaplarni yig‘iq gapga aylantirib ko‘chiring.

---

174 
1. Qani, yur! (X. To‘xtaboyev) 2. Kelinoyim tuzalib ketdi. Keyin 
akam urushdan yarador bo‘lib qaytib keldi. (P. Qodirov) 3. Ertalabki 
shirchoyni bobom bilan birga ichdik. (G‘ayratiy) 4. Ahmad ko‘chaga 
chiqdi. Kun issiq, borliq lov-lov yonardi. (F. Musajonov) 5. – Chida, 
o‘g‘lim, chida. Shaharga tushaverishda buloq bor. O‘shandan ichasan. 
Biz ham ichamiz. Ulovlarni ham sug‘oramiz. (Sh. Xolmirzayev)6. Ham-
roboy ota hasrat bilan o‘rikning g‘adir-budur tanasini qo‘llari bilan 
ohista siypaladi. (S. G‘afurov) 7. O‘qishlar ham tugadi. Karim ertaga 
buvasi bilan tog‘ga jo‘naydi. (S. Anorboyev) 8. – Ko‘ylaging juda 
chiroyli ekan, ortoqjon. (M. Murodov) 
 
Gap bo‘laklari 
Bosh bo‘laklar 
362-mashq. O‘qing. Gaplarning ega va kesimini topib, qaysi so‘z turkumi 
bilan ifodalanganini ayting. Gaplarni ikkinchi darajali bo‘laklarni tushirib o‘qing. 
Bosh bo‘laklarning gap tuzilishidagi ahamiyatini tushuntiring. 
1. Saman qo‘rquv ichida butun kuchini to‘plab yana oldinga sakradi. 
(N. Fozilov) 2. Unsin uy ishlarida kampirga ko‘maklashadi. (Oybek)
3. Biz Vatanni sevmoqni dono bobolarimizdan o‘rganmog‘imiz kerak. 
(X. Davron) 3. Toshkent ko‘chalaridan avtobus, tramvaylar qatnaydi. 
(M. Hamidova) 4. Vodil – qadimdan bozori qishloq. Bu yerda har 
dushanba kuni nihoyatda gavjum, tirband bozor bo‘ladi. (K. Yashin, 
Hamza) 5. Toshkent do‘stlik, tinchlik, birodarlik shahri sifatida butun 
dunyoga mashhurdir. (M. Hamidova) 6. Otasining hunarini yaxshi egal-
lab olgan bu yigitcha uchun qishloqda ish ko‘p edi. (S. Ahmad)
7. Ko‘nglimga yaqin bironta do‘stim yo‘q. Hayotimdagi birdan-bir 
ilinjim, ovunchog‘im – ish. (S. Nurov) 8. Maktabimizning oldida kat-
takon do‘nglik bor. (E. Raimov)